تۇركيانىڭ ىستامبۇل قالاسىنداعى ادام قۇقىقتارى قاۋىمداستىعى (İHD) قالالىق بولىمشەسىنىڭ مادەنيەت جانە ونەر كوميسسياسى ۇيىمداستىرعان «يۋمور كۇشى ارقىلى بەيبىتشىلىك!» ۇرانىمەن وتكەن 2-ءشى حالىقارالىق كاريكاتۋرا بايقاۋى ءوز مارەسىنە جەتتى، دەپ حابارلايدى "ادىرنا" ۇلتتىق پورتالى.
بيىل «بەيبىتشىلىك» تاقىرىبىنا ارنالعان بايقاۋعا الەمنىڭ 45 ەلىنەن 196 قاتىسۋشىدان 804 جۇمىس قابىلداندى. سونىمەن قاتار 18 جاسقا دەيىنگى جاس سۋرەتشىلەر 93 جۇمىس جىبەرگەن. وسىعان بايلانىستى قازىلار القاسى ءۇش ارنايى جۇلدە تاعايىندادى.
ال تۇركيا تۇرمەلەرىنە ارنالعان ارنايى نوميناتسياعا جانە «ادام قادىر-قاسيەتى» جۇلدەسىنە وتىنىمدەر كەلىپ تۇسپەدى.
بايقاۋ قورىتىندىسى بويىنشا ەكىنشى ورىندى قازاقستاننىڭ سۋرەتشىسى عالىم بورانباەۆ جەڭىپ الدى.
ءبىرىنشى ورىندى يراندىق مۋحاممەد حۋسەين اكباري يەلەنسە، ءۇشىنشى ورىندى بولگاريانىڭ سۋرەتشىسى يۆالو تسەتكوۆ الدى.
ۇيىمداستىرۋشىلاردىڭ مالىمدەۋىنشە، جەڭىمپازداردىڭ تولىق جۇمىستارى مەن جاسوسپىرىمدەر ساناتىنىڭ ناتيجەلەرى جاقىن ۋاقىتتا جاريالانادى.
