جامبىل وبلىسىندا پوليتسەيلەر قالىڭ تۇماندا اداسقان قويشىنى ىزدەپ تاپتى. بۇل تۋرالى ءىىم ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
جامبىل اۋدانىنداعى شارۋا قوجالىقتارىنىڭ بىرىندە ەكى كۇن بۇرىن قويشى 700 باس قويمەن بىرگە قۇمدى اۋماقتا ىعىپ كەتكەن.
حابارلاما تۇسكەن ساتتە جەدەل تۇردە وقيعا ورنىنا شىققان پوليتسيا قىزمەتكەرلەرى ىزدەستىرۋ جۇمىستارىن جۇرگىزگەن. پوليتسيانىڭ جەدەل ءارى كاسىبي ارەكەتىنىڭ ناتيجەسىندە 24 ساعاتقا جەتپەي اۋدان ورتالىعىنان 200 شاقىرىم جەردە قويشى دا، ونىڭ مالى دا تابىلعان.
«تۇندە توڭىپ قالماۋ ءۇشىن ۇيىقتاماۋعا تىرىستىم. ءۇش كۇنگە جۋىق تاماق ىشپەگەندىكتەن السىرەپ قالدىم. مەنى تاپقان پوليتسيا قىزمەتكەرلەرى جاعدايىمدى كورىپ، بىردەن جىلى ورىنعا اپارىپ، ايران مەن نان بەردى. العىسىم شەكسىز»،- دەيدى شوپان.
ۇقساس جاڭالىقتار
