قاراعاندىنىڭ "شاحتيور" فۋتبول كلۋبى رەسمي تۇردە Freedom Holding Corp كومپانياسىنىڭ مەنشىگىنە ءوتتى، دەپ حابارلايدى "ادىرنا" ۇلتتىق پورتالى.
حولدينگتىڭ باسشىسى – قازاقستاندىق كاسىپكەر تيمۋر تۋرلوۆ.
جاڭا يەسىنىڭ باستاماسىمەن قاراعاندى وبلىسىندا فۋتبول ەكوجۇيەسىن دامىتۋعا باعىتتالعان ءىرى جوبا ىسكە قوسىلدى. جوباعا جالپى 18,5 ملرد تەڭگە بولىنەتىن بولادى. فك مالىمەتىنشە، ونىڭ 12 ملرد تەڭگەسى جاڭا فۋتبول اكادەمياسىن سالۋعا، ال 6,5 ملرد تەڭگەسى وڭىردەگى بۇقارالىق جانە جاستار فۋتبولىن دامىتۋعا جۇمسالادى.
قاراعاندى وبلىستىق فۋتبول قاۋىمداستىعىنىڭ (قوفا) پرەزيدەنتى تيمۋر تۋرلوۆتىڭ قولداۋىمەن جۇزەگە اسىرىلاتىن باستامالار قاتارىندا "العا!" مەكتەپ جوباسى، Freedom BFL رەسمي جاستار ليگاسى، جاڭا "شاحتيور" فۋتبول اكادەمياسىنىڭ قۇرىلىسى سىندى بىرقاتار جوبالار بار ەكەنى ايتىلدى.
