قاراعاندى وبلىسى بويىنشا ەكونوميكالىق تەرگەپ-تەكسەرۋ دەپارتامەنتىنىڭ باستاماسىمەن، «زاڭ جانە ءتارتىپ» يدەولوگياسى اياسىندا، 2026 جىلعى 13 ماۋسىمدا قاراعاندى قالاسىنىڭ ورتالىق ساياباعىندا اعا بۋىن وكىلدەرىن بىرىكتىرگەن «بارلىق ءداۋىردىڭ بيلەرى» اتتى مادەني-دەمالىس ءىس-شاراسى ءوتتى. ءىس-شاراعا 400-دەن استام ادام قاتىستى.
ءىس-شارا بارىسىندا ەكونوميكالىق تەرگەپ-تەكسەرۋ دەپارتامەنتىنىڭ قىزمەتكەرلەرى قارجىلىق ساۋاتتىلىقتى ارتتىرۋ جانە ينتەرنەت-الاياقتىقتىڭ الدىن الۋ تاقىرىبىندا پروفيلاكتيكالىق كەزدەسۋ وتكىزدى. قاتىسۋشىلارعا قارجىلىق الاياقتىقتىڭ كەڭ تارالعان تۇرلەرى مەن الاياقتاردىڭ ارەكەتتەرىنەن قورعانۋ جولدارى تۋرالى اقپارات بەرىلدى.
سونداي-اق قوناقتارعا قارجىلىق قاۋىپسىزدىككە ارنالعان پروفيلاكتيكالىق بەينەروليك كورسەتىلىپ، اقپاراتتىق-ءتۇسىندىرۋ بروشيۋرالارى تاراتىلدى.
وسىنداي ءىس-شارالار ازاماتتاردىڭ زاماناۋي الاياقتىق سحەمالارى تۋرالى حاباردارلىعىن ارتتىرۋعا، تسيفرلىق ورتادا قاۋىپسىز مىنەز-قۇلىق داعدىلارىن دامىتۋعا جانە حالىقتىڭ قارجىلىق ساۋاتتىلىعىن نىعايتۋعا ىقپال ەتەدى.
