قازاقستان قۇراماسى ۆەلوترەكتەن ءۇندىستاندا ەرەسەكتەر اراسىنداعى 43-ءشى، جاسوسپىرىمدەر اراسىنداعى 30-شى، پاراسپورتشىلار اراسىنداعى XII رەت ءوتىپ جاتقان ازيا چەمپيوناتىنىڭ قولا جۇلدەگەرى اتاندى. بۇل تۋرالى تۋريزم جانە سپورت مينيسترلىگىنىڭ سپورتتى دامىتۋ ديرەكتسياسى مالىمدەدى، دەپ حابارلايدى “ادىرنا” ۇلتتىق پورتالى.
چەمپيوناتتىڭ العاشقى كۇنى ءىز كەسۋ سايىسىندا قازاقستان ەرلەر قۇراماسى (الىشەر جۇماقان، دميتري نوسكوۆ، راميس دىنمۇحامەتوۆ) كوماندالىق جارىستا قولا جۇلدەنى يەلەندى.
ولاردىڭ ۋاقىت كورسەتكىشى – 4:03.129 سەكۋند. التىن مەدالدى جاپونيا قۇراماسى جەڭىپ السا، كۇمىس جۇلدە قىتاي ەلىنە بۇيىردى. سونداي-اق قۇرامىندا كيريلل كۋرديدي، دميتري رەزانوۆ، سەرگەي پونومارەۆ بار تاعى ءبىر وتاندىق قۇراما سپرينتتەن 5-ورىن الدى.
ايتا كەتەيىك، سارى قۇرلىق دوداسىنا بيىل 23 ەلدىڭ ۇزدىكتەرى جينالدى. ەلىمىزدىڭ نامىسىن 9 سپورتشى قورعاپ جاتىر. ازيا چەمپيوناتى 26 اقپانعا دەيىن جالعاسادى.
