قىتاي بەيسەنبى كۇنى تسزيۋتسيۋان عارىش ايلاعىنان بورتىندا تايكوناۆتارى بار «شەنچجوۋ-18» عارىش كەمەسىن ۇشىرماق. بۇل تۋرالى سارسەنبى كۇنى قحر ۇشقىشتار باسشىلىعى ءمالىم ەتتى، دەپ حابارلايدى “ادىرنا” ۇلتتىق پورتالى.
قىتايدىڭ ۇشۋ باعدارلاماسى كەڭسەسى وكىلىنىڭ ايتۋىنشا، «شەنچجوۋ-18» عارىش كەمەسى بەيسەنبى كۇنى بەيجىڭ ۋاقىتىمەن ساعات 20:59-دا تسزيۋتسيۋان عارىش ايلاعىنان (گانسۋ پروۆينتسياسى، سولتۇستىك-باتىس قىتاي) ۇشىرىلادى.
“شەنچجوۋ-18” عارىش كەمەسىنىڭ كوككە كوتەرىلۋ ميسسياسىن قىتايلىق استروناۆتار يە گۋانفۋ، لي كونگ جانە لي گۋانسۋ ورىندايدى. عارىش كومانديرى بولىپ ە گۋانفۋ جاريالاندى.
قىتايدىڭ تيانگونگ وربيتالىق ستانتسياسى شامامەن 400 كم بيىكتىكتە ورنالاسقان جانە “ت” ءتارىزدى نىسان بولىپ تابىلادى. ول 2022 جىلى تۇراقتى پايدالانۋعا بەرىلدى جانە ءۇش ادامعا ارنالعان (بريگادالاردى اۋىستىرۋ كەزىندە قىسقا ۋاقىتقا التىعا ادامعا دەيىن سىيادى).
