ەلىمىزدىڭ دەنساۋلىق ساقتاۋ مينيسترلىگى بارلىق شەكاراداعى وتكىزۋ پۋنكتتەرىندە سانيتارلىق-ەپيدەميولوگيالىق باقىلاۋدى كۇشەيتتى.
ءمينيسترى ەلجان ءبىرتانوۆتىڭ بۇيرىعىنا سايكەس، ەۋرازيالىق ەكونوميكالىق وداق ەلدەرىنىڭ شەكاراسىندا ازاماتتاردىڭ قوزعالىسى قاتاڭ قاداعالانادى.
اتاپ ايتقاندا حالىقارالىق اۋەجايلار مەن تەمىرجول، اۆتوموبيل جانە تەڭىز شەكارالارى ءجىتى نازاردا. ەندى كوروناۆيرۋس انىقتالعان ەلدەردەن ۇشىپ كەلگەن ۇشاقتىڭ جولاۋشىلارى كۇدىككە ىلىنسە، اۋە كەمەسى سانيتارلىق تۇراققا قويىلىپ، سان-ەپيدەميا ستانتسيا قىزمەتكەرلەرى ناۋقاستاردىڭ جاعدايىن باعالايدى.
سونىمەن قاتار، مينيستر اتالعان ۆيرۋسقا قاتىستى ەكسپرەسس تەست الەم بويىنشا ءالى تابىلماعانىن ايتتى.
