قىتاي عالىمدارى بەس مينۋت ىشىندە كوروناۆيرۋسقا قارسى انتيدەنەلەردى انىقتاي الاتىن جاڭا دياگنوستيكالىق جۇيەنى ويلاپ تاپتى. ول يكەمدى ورگانيكالىق ترانزيستورلارعا نەگىزدەلگەن جانە الىنعان قان نەمەسە سىلەكەي ۇلگىسى نەگىزىندە ناتيجە بەرەدى. بۇل تۋرالى Science Advances عىلىمي جۋرنالىنداعى ماقالادا ايتىلعان، دەپ حابارلايدى "ادىرنا" ۇلتتىق پورتالى.
دياگنوستيكالىق جۇيەنىڭ ءوزى قۇرىلىمى كوروناۆيرۋستىڭ s اقۋىزىنا ۇقساس مولەكۋلالارمەن قاپتالعان يكەمدى التىن ەلەكترودتار مەن ورگانيكالىق ەلەكتروحيميالىق ترانزيستورلاردىڭ جيىنتىعى ەكەندىگى اتاپ ءوتىلدى. ولارعا انتيدەنەلەر بەكىتىلگەن كەزدە ترانزيستوردىڭ جۇمىسى وزگەرەدى، ياعني ول توكتى باسقاشا وتكىزە باستايدى ەكەن.
عالىمدار تەستكە سىلەكەي نەمەسە قان ۇلگىلەرى ارقىلى جوعارى جيىلىكتى ەلەكتر يمپۋلستارىن وتكىزەتىن قوسىمشا ەلەكترودتار جيىنتىعىن ەنگىزدى. وسىنىڭ ارقاسىندا انتيدەنەلەر مەن كوروناۆيرۋستىڭ S اقۋىزى اراسىنداعى رەاكتسيا جىلدامدىعى ارتتى، بۇل بيوماتەريالدا سالماعى 0,15 نانوگراممنان از SARS-CoV-2-گە انتيدەنەلەردىڭ كورىنبەيتىن ىزدەرىن انىقتاۋعا مۇمكىندىك بەردى.
ايتا كەتۋ كەرەك، بۇل تەستتىڭ كومەگىمەن كەز-كەلگەن باسقا اۋرۋلاردىڭ قوزدىرعىشتارىنا انتيدەنەلەردى دە انىقتاۋعا بولاتىندىعى اتاپ ءوتىلدى. ول ءۇشىن ەلەكترودقا انتيدەنەلەر قوسىلاتىن باسقا اقۋىزدار جيىنتىعىن قولدانۋ جەتكىلىكتى.
"ادىرنا" ۇلتتىق پورتالى
