22 ناۋرىز – ۇلىستىڭ ۇلى كۇنىندە اقتاۋدا قازاق حالقىنىڭ ۇلتتىق كيىمى مەن سالت-ءداستۇرىن الەمگە تانىتۋ ماقساتىندا اۋقىمدى فەستيۆال وتەدى، دەپ حابارلايدى "ادىرنا" ۇلتتىق پورتالى.
ماڭعىستاۋ وبلىسىنىڭ اكىمدىگى تاراتقان اقپاراتقا سايكەس، "Kazakh Record" فەستيۆالىنە 5000-نان استام ادام قاتىسادى دەپ جوسپارلانۋدا. شارا اياسىندا قازاقتىڭ ۇلتتىق كيىمىن گيننەس رەكوردتار كىتابىنا ەنگىزۋ ءۇشىن حالىقارالىق كوميسسيا مۇشەلەرى ارنايى اقتاۋعا كەلەدى.
فەستيۆالدىڭ ماقساتى - قازاقتىڭ ۇلتتىق كيىمىن ناسيحاتتاۋ، تاريحي مۇرا مەن مادەنيەتتى دارىپتەۋ، جاستاردىڭ پاتريوتتىق رۋحىن كوتەرۋ مەن قازاقى سالت-ءداستۇردى ۇرپاقتان-ۇرپاققا جەتكىزۋ.
"ۇلتتىق قۇندىلىقتاردى الەمگە پاش ەتكىسى كەلەتىن بارشا قازاقستاندىقتى Kazakh Record فەستيۆالىنە شاقىرامىز!" – دەلىنگەن اكىمدىك حابارلاماسىندا.
ايتا كەتەيىك، بۇعان دەيىن كوكشەتاۋدا ناۋرىز مەيرامىنا وراي "كيمەشەك شەرۋى" ۇيىمداستىرىلاتىنى بەلگىلى بولعان.
