پرەمەر-مينيستر ولجاس بەكتەنوۆ دەنساۋلىق ساقتاۋ مينيسترلىگى مەن اكىمدىكتەرگە مەديتسينالىق قىزمەتتىڭ ساپاسىن قاتاڭ باقىلاۋعا الۋدى تاپسىردى. بۇل تۋرالى ول بۇگىن، 19 قاراشادا ءوتىپ جاتقان ۇكىمەت وتىرىسىندا ايتتى، دەپ حابارلايدى «ادىرنا» ءتىلشىسى.
«كورىپ وتىرعانىمىزداي، ۆيرۋستىق اۋرۋلاردىڭ ماۋسىمى باستالدى. دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ، كومەككە جۇگىنگەن ازاماتتارعا كورسەتىلەتىن مەديتسينالىق قىزمەتتىڭ ساپاسىن باقىلاۋعا الۋدى تاپسىرامىن»،- دەپ اتاپ ءوتتى ول.
ولجاس بەكتەنوۆ قاجەت بولعان جاعدايدا ستاتسيونارلاردا قوسىمشا ورىندار اشىپ، جىلجىمالى ءموبيلدى بريگادالار جۇمىسىن ۇيىمداستىرۋعا دايىن بولۋ قاجەتتىگىن جەتكىزدى. ءدارىحانالاردىڭ بارلىعىندا ۆيرۋسقا قارسى پرەپاراتتار قاجەتتى مولشەردە بولۋى ءتيىس.
ۇكىمەت باسشىسى ۆيرۋستىق اۋرۋلاردىڭ الدىن الۋ بويىنشا ءتۇسىندىرۋ جۇمىستارىن كۇشەيتۋ قاجەتتىگىن دە ايتتى.
باقىلاۋ دەنساۋلىق ساقتاۋ ءمينيسترى اقمارال النازاروۆاعا جۇكتەلدى.
ايتا كەتەيىك، سوڭعى اپتادا ەلىمىزدە جرۆي-ءدىڭ 183 مىڭ وقيعاسى تىركەلگەن. 2024-2025 جىلدارى وتكەن ەپيدەميالىق ماۋسىمىنىڭ وسىعان ۇقساس اپتاسىمەن سالىستىرعاندا اۋرۋ جۇقتىرعاندار 16%-عا ارتقان.
