Premer-ministr Oljas Bektenov Densaulyq saqtau ministrlıgı men äkımdıkterge medisinalyq qyzmettıŋ sapasyn qataŋ baqylauǧa aludy tapsyrdy. Būl turaly ol bügın, 19 qaraşada ötıp jatqan Ükımet otyrysynda aitty, dep habarlaidy «Adyrna» tılşısı.
«Körıp otyrǧanymyzdai, virustyq aurulardyŋ mausymy bastaldy. Densaulyq saqtau ministrlıgıne äkımdıktermen bırlesıp, kömekke jügıngen azamattarǧa körsetıletın medisinalyq qyzmettıŋ sapasyn baqylauǧa aludy tapsyramyn»,- dep atap öttı ol.
Oljas Bektenov qajet bolǧan jaǧdaida stasionarlarda qosymşa oryndar aşyp, jyljymaly mobildı brigadalar jūmysyn ūiymdastyruǧa daiyn bolu qajettıgın jetkızdı. Därıhanalardyŋ barlyǧynda virusqa qarsy preparattar qajettı mölşerde boluy tiıs.
Ükımet basşysy virustyq aurulardyŋ aldyn alu boiynşa tüsındıru jūmystaryn küşeitu qajettıgın de aitty.
Baqylau densaulyq saqtau ministrı Aqmaral Älnazarovaǧa jükteldı.
Aita keteiık, soŋǧy aptada elımızde JRVİ-dıŋ 183 myŋ oqiǧasy tırkelgen. 2024-2025 jyldary ötken epidemiialyq mausymynyŋ osyǧan ūqsas aptasymen salystyrǧanda auru jūqtyrǧandar 16%-ǧa artqan.
