وپپوزيتسيالىق “باسە” كانالى ساياساتكەر ماكس بوقاەۆتىڭ ۇندەۋىن جاريالادى دەپ حابارلايدى “ادىرنا” ۇلتتىق پورتالى Dalanews.kz. سايتىنا سىلتەمە جاساپ.
بەس تالاپتان تۇراتىن ۇندەۋىندە بوقاەۆ توقاەۆتى دوڭگەلەك ۇستەلگە شاقىرىپ، ۇلتتىق ديالوگ قۇرۋدى ۇسىنادى.
ءبىرىنشى قادام – ۇلتتىق ىمىرا:
قاسىمجومارت توقاەۆ جارلىعىمەن بارلىق ساياسي استارى بار ىستەردى جوق قىلىپ، ساياسي تۇتقىنداردى بوساتسىن;
ءوزى ءۇشىن جانە ورتاق ۇيىمىزگە اماندىق تىلەيتىندەر ۇرىس-كەرىستى دوعارسىن;
ەكىنشى قادام – ۇلتتىق ديالوگ:
بۇنى ازاماتتىق كواليتسيا جانە توقاەۆ كومانداسى اراسىنداعى الدىن-الا كەلىسسوزدەر تۇرىندە اتىراۋدا وتكىزۋدى ۇسىنامىن;
ءۇشىنشى قادام – كونستيتۋتسيالىق قۇرىلتاي:
وعان قاتىسۋ ءۇشىن، ءار وبىلىس پەن ءىرى قالالاردان بەلگىلەنگەن مولشەرلەردەگى دەلەگاتتار جينالا الادى;
ءتورتىنشى قادام – رەسپۋبليكانىڭ جاڭا كونستيتۋتسياسىن قابىلداۋ;
بەسىنشى قادام – ادال سايلاۋ وتكىزۋ;
بوقاەۆ مۇنىڭ ءبارىن بيىلعى قازان ايىنىڭ سوڭىنا دەيىن جاساپ ۇلگەرۋ كەرەك دەپ ەسەپتەيدى. قۇرىلتاي وتكىزەر مەرزىمنىڭ جاقىن قالعانىن ەسكەرتكەن ول “بىرىكسەك دەگەنىمىزگە جەتەمىز” دەگەن پىكىردە.
ء“بىزدىڭ وتان اۋىر كۇيزەلىس ۇستىندە. «ەلدى كىم تونادى؟» دەپ، قازىر ءىس قوزعاپ جازالايتىن پروكۋرور بولعام كەلمەيدى. مەن، ارەكەت جاساۋ كەرەك دەيمىن. قۇلدىراۋدى توقتاتىپ، تاريحي تۇيىقتان شىعۋ وڭاي بولماس.
دەمەك، قازاقستان رەسپۋبليكاسىن دامۋعا جەتكىزەتىن جولدار مەن مۇمكىندىكتەر بار. مەن ءوپتيميستپىن. باسقاشا جاعدايدا ەلدەن باياعىدا كەتىپ قالاتىن ەدىم. يساتاي-ماحامبەت الاڭىندا تۇرىپ 28-ءشى اقپان كۇنى ساعات 12:00 دە وسى پىكىرلەرىمدى وتانداستارىما جەتكىزگىم كەلەدى. ءتارتىپ! ادىلدىك! ازاتتىق! قازاقستان رەسپۋبليكاسى جاساسىن!”، – دەيدى بوقاەۆ ۇندەۋىندە.
