اقسۋ فەرروقورىتپا زاۋىتىندا جۇمىسشى كۇيىپ قالدى. ونىڭ جاعدايى اۋىر. بۇل تۋرالى pavlodarnews.kz جازدى، دەپ حابارلايدى “ادىرنا”.
مەملەكەتتىك ەڭبەك ينسپەكتسياسى كوميتەتىنىڭ پاۆلودار وبلىسى بويىنشا دەپارتامەنتىنىڭ باسشىسى اسقار قاپانوۆتىڭ ايتۋىنشا، 12 قاراشادا اقسۋ فەرروقورىتپا زاۋىتىندا جازاتايىم وقيعا بولدى. ءبىر جۇمىسشى زارداپ شەكتى.
"قازىرگى ۋاقىتتا جازاتايىم وقيعانى تەرگەۋ ۇيىمداستىرىلۋدا. تەرگەۋ اياقتالعاننان كەيىن جازاتايىم وقيعانىڭ ءمان-جايى مەن سەبەپتەرى انىقتالادى", - دەدى ول.
جابىرلەنۋشى اقسۋ قالالىق اۋرۋحاناسىنىڭ جانساقتاۋ بولىمشەسىنە دەنەسىنىڭ 60-65 پايىز تەرميالىق كۇيىك شالۋمەن ءتۇستى.
ونىڭ جاعدايى اۋىر دەپ باعالانۋدا. 29 جاستاعى ەر ادام ءتيىستى ەم الۋدا.
ۇقساس جاڭالىقتار
