استانادا ءوتىپ جاتقان الاياقتىق ءىسى بويىنشا سوت پروتسەسىندە بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ اناسى الميرا نۇرلىبەكوۆا كۋالىك بەردى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، قۋاندىق بيشىمباەۆتىڭ اكەسى ءۋاليحان بيشىمباەۆ 2023 جىلى ونكولوگيالىق دەرتكە شالدىققان.
«سول كۇنى مەن جولداسىممەن ۇيدە بولدىم. بۇل – ءبىزدىڭ ومىرىمىزدەگى ەڭ اۋىر كۇندەردىڭ ءبىرى بولدى. جولداسىمنىڭ جاعدايى كۇرت ناشارلاپ، بىرنەشە رەت جەدەل جاردەم شاقىردىق. بىراق ولار كومەكتەسۋدەن باس تارتتى. جولداسىم ونكولوگيالىق دەرتكە شالدىققان، جۇرەگى دە سىر بەردى. بۇل جاعدايدىڭ نەدەن بولعانىن بۇگىنگە دەيىن تۇسىنە الماي كەلەمىز»، – دەدى نۇرلىبەكوۆا سوتتا.
بەلگىلى بولعانداي، استانادا الاياقتىق ءىسى بويىنشا سوت پروتسەسى جالعاسۋدا. تەرگەۋ ماتەريالدارىندا ەكس-ءمينيستردىڭ تۋىستارىنىڭ ەسىمدەرى اتالعان. پروكۋروردىڭ ايتۋىنشا، سوتتالۋشى بەكزات كەمەلوۆا (نۇرلىبەكوۆانىڭ ابىسىنى) بيشىمباەۆتىڭ اناسىنىڭ اقشاسىن يەمدەنىپ كەتكەن. سوتتا قوماقتى قارجى - 990 مىڭ دوللاردىڭ (شامامەن 453 ميلليون تەڭگە) داۋى تالقىلانىپ جاتىر.
قازىرگى ۋاقىتتا سوت پروتسەسى جالعاسىپ جاتىر.
