ءبىر باپپەن بىرنەشە رەت سوتتالعان قىلمىسكەرلەردى رەتسيديۆيست دەپ اتايدى. سونىمەن قاتار امانگەلدى اعامىز ءبىر عانا “جالا جابۋ” بابىمەن بىرنەشە رەت سوتتالعان. جۋرناليست امانگەلدى باتىربەكوۆتى “رەتسيديۆيست-جۋرناليست” دەپ اتاۋىمنىڭ سەبەبى وسى. جۋرناليست اعامىزدىڭ بۇل جولعى قامالۋىنا قاتىستى پىكىر ءبىلدىرىپ، قانشالىقتى زاڭدى بولدى دەگەن سۇراققا جاۋاپ ىزدەپ كورەيىك.
وسى ءىستى جۇرگىزگەن سۋديا بەرىك قايپوۆتىڭ سوت ءىسىن ءادىل، جان-جاقتى زەردەلەپ جۇرگىزگەندىگىنە كۇمانىم بار. بىراق بۇل سوت شەشىمىنە قاتىستى اپپەلياتسيالىق سوتتا باعاسى بەرىلە جاتار. مەندە بۇل جايعا قۇزىرەتىم بولماعان سوڭ ناقتى باعا بەرە المايمىن.
سوندىقتان مەنىڭ بۇل جازبام - سۋديا بەرىك قايپوۆتىڭ وسى ءىستى قاراۋىنىڭ ءوزى قانشالىقتى زاڭدى بولدى دەگەن سۇراقتارعا ارنالماق.
ماسەلە بىلاي:
وسى ءىستى قاراعان بەرىك قايپوۆ دەگەن سۋديا بۇعان دەيىن دە جۋرناليست-زاڭگەر امانگەلدى باتىربەكوۆكە قاتىستى بىرنەشە قىلمىستىق ىستەردى جۇرگىزىپ، زاڭسىز ايىپتاۋ ۇكىمىن شىعارعان. “زاڭسىز” دەۋگە سەبەپ بار. مىسالى، سۋديانىڭ امانگەلدى باتىربەكوۆكە قاتىستى شىعارعان ۇكىمدەرى جوعارعى ساتىداعى سوتتاردا كۇشى جويىلىپ، جۋرناليست اقتالىپ وتىرعان.
مىسالى:
1) 2015 جىلى 12-ءشى قازان كۇنى ءدال وسى سۋديا ا.باتىربەكوۆكە قاتىستى قك -130-شى “جالا جابۋ” بابى بويىنشا 1 جىل 6 ايعا باس بوستاندىعىنان ايىرعان.
بىراق، اپپەلياتسيالىق سوتتا ول ۇكىم جوققا شىعارىلعان.
2) 2016 جىلى 30-شى ناۋرىز كۇنى(بىر جىلدان سوڭ) ءدال وسى سۋديا، ءدال جوعارىداعى “جالا جابۋ” بابىمەن ا.باتىربەكوۆتى 2 جىلعا باس بوستاندىعىنان شەكتەۋگە (ۋسلوۆنىي) ۇكىم شىعارادى.
بىراق، تاعى دا بۇل ۇكىم اپپەلياتسيالىق سوتتا كۇشىن جويادى.
ودان بولەك، سۋديا جۋرناليست ا.باتىربەكوۆ جازاتىن سىني ماقالالارىنىڭ تۇراقتى كەيىپكەرىنە اينالعان.
ءجۋرناليستتىڭ “مياتبەكوۆتىڭ ميى اشىپ قالعان با؟” اتتى ماقالا پوستىنداعى سىلتەمەلەرىندە دە سۋديا بەرىك قايپوۆقا قاتىستى جازىلعان سىني پىكىرلەردى كەزدەستىرەمىز.
سوندىقتان، بۇل سۋديانىڭ اكىمشىلىك ءىستى قاراۋعا قۇقىعى جوق ەدى دەپ ويلايمىن.
سەبەبى، قر اكىمشىلىك قۇقىق بۇزۋشىلىق تۋرالى كودەكسىنىڭ “سوتتىن اكىمشىلىك قۇقىق بۇزۋشىلىق تۋرالى ءىستى، اكىمشىلىك قۇقىق بۋزۋشىلىق تۋرالى ءىس بويىنشا قاۋلىعا، ايىپپۇل تولەۋ كاجەتتىگى تۋرالى نۇسقاماعا، جوعارى تۇرعان ورگاننىڭ (لاۋازىمدى ادامنىڭ) شاعىم، نارازىلىق بويىنشا قاۋلىلسىنا شاعىمدى، نارازىلىقتى قاراۋ مۋمكىندىگىن بولعىزبايتىن ءمان-جايلارعا” ارنالعان 829-7-بابىنىڭ 2-ءشى تارماعىندا:
«ءىستىڭ شەشىلۋنە جەكە ءوزى، تىكەلەي نەمەسە جاناما تۇردە مۇددەلى بولعان جاعدايلاردا، سوت ءىستى، شاعىمدى،
نارازىلىقتى قاراي المايدى” دەپ، تايعا تاڭبا باسقانداي كورسەتىلىپ قويعان.
بۇل از دەسەڭىز، ءدال وسى كودەكستىڭ “سۋديانىڭ وزدىگىنەن باس تارتۋى جانە وعان كارسىلىق ءبىلدىرۋ” تۋرالى 829-8 بابىنىڭ 1-ءشى تارماعى دا ءسوزىمىزدى ناقتىلاي تۇسەدى. تارماقتا: “وسى كودەكستىڭ 829-7-بابىندا كوزدەلگەن ءمان-جايلار بولگان كەزدە سۋديا وزدىگىنەن باس تارتاتىنى تۋرالى مالىمدەۋگە مىندەتتى” دەپ تايعا تاڭبا باسقانداي كورسەتىلىپ قويعان.
دەمەك، ءبىز العا تارتقان كودەكسكە ساي سۋديا بەرىك قايپوۆ مىرزا جۋرناليست تاراپىنان وزىنە قاتىستى سىني-پىكىرلەردىڭ جاريالاعاندىعىن ەسكەرە وتىرىپ بۇل ءىستى قاراۋدان باس تارتۋى كەرەك ەدى.
سۋديانىڭ بۇل ءىستى قاراۋعا قۇقىعى جوق ەدى.
وكىنىشكە قاراي، سۋديا بۇل ءىستى قاراۋدان باس تارتپاعان. ءارى، تاعى دا جۋرناليستكە قاتىستى ايىپتاۋ شەشىمىن شىعارعان. ول شەشىمىنىڭ قانشالىقتى زاڭدى-زاڭسىز بولعانى جوعارعى سوت ساتىلارىندا انىقتالا جاتار.
بىراق، سۋديانىڭ بۇل ءىستى قاراۋعا قانشالىقتى زاڭدى قۇقىعى بارىن كىم انىقتايتىنىن بىلمەدىك؟!
ەلىمىزدەگى سىبايلاس جەمقورلىقپەن كۇرەسىپ، حالىقتىڭ جىرىن جىرلاپ كەلە جاتقان اعامىزدى “جىلاساڭ تاعى دا ۇرامىز” دەگەندەي تاعى دا قاماعانىمەن بۇدان دا اقتالىپ شىعارىنا سەنەمىز.
Aqorda
قر پارلامەنتىنىڭ ءماجىلىسى
قر سىبايلاس جەمقورلىققا قارسى قىزمەتى / انتيكوررۋپتسيوننايا سلۋجبا رك
قر باس پروكۋراتۋراسى / گەنەرالنايا پروكۋراتۋرا رك
قازاقستان رەسپۋبليكاسىنىڭ جوعارعى سوتى/ۆەرحوۆنىي سۋد رەسپۋبليكي كازاحستان
تۇركىستان وبلىستىق سوتى
ابزال قۇسپان
Bauyrzhan Azanov
Unzila Shapak
ەگەردە، سۋديا بەرىك قايپوۆ مىرزانىڭ قارسى ءۋاجى بولسا، سۇحبات الۋعا دايىن ەكەنىمىزدى مالىمدەيمىن.
87022752010
