تۇركىستاندا ۇقك قىزمەتكەرلەرى پوليتسەيدى پارا الۋ كۇدىگىمەن ۇستادى، دەپ حابارلايدى “ادىرنا” ۇلتتىق پورتالى.
قاماۋعا الۋ ءساتى تۇسىرىلگەن بەينە الەۋمەتتىك جەلىدە تاراعان.
ۆيدەودان وبلىستىق پوليتسيا دەپارتامەنتىنىڭ وزىندىك قاۋىپسىزدىك باسقارماسى مەن ۇلتتىق قاۋىپسىزدىك كوميتەتى قىزمەتكەرلەرىنىڭ پوليتسەيدى تەكسەرىپ جاتقانىن كورۋگە بولادى. تەكسەرۋ كەزىندە قىزمەتكەر قاشۋعا ارەكەت جاساعانى بايقالدى.
الدىن الا مالىمەتتەرگە قاراعاندا، ۇستالعان پوليتسەي سوزاق اۋداندىق پوليتسيا ءبولىمىنىڭ قىزمەتكەرى بولىپ، 200 مىڭ تەڭگە پارا العان.
سونىمەن قاتار، دەپارتامەنت قىزمەتكەرگە قاتىستى تارتىپتىك كوميسسيا وتىرىسىن وتكىزگەن. كوميسسيا شەشىمىمەن قىزمەتكەر «تەرىس سەبەپتەرمەن» ىشكى ىستەر ورگاندارىنان شىعارىلدى.
باسقا جاۋاپتى لاۋازىمدى تۇلعالارعا قاتىستى دا قىزمەتتىك تەكسەرۋ باستالعان
