ورال قالاسى ماڭىندا بولعان جول-كولىك وقيعاسى سالدارىنان ەر ادام قازا تاپتى، دەپ حابارلايدى “ادىرنا” ۇلتتىق پورتالى.
موي گورود باسىلىمىنىڭ مالىمەتىنشە، قازا تاپقان — ادام ءتورت قىزىن جالعىز تاربيەلەپ كەلگەن 47 جاستاعى رومان بوندار.
قايعىلى وقيعا 27 شىلدە كۇنى دەركول كەنتى ماڭىنداعى اينالما جولدا بولعان. الدىن الا مالىمەت بويىنشا، ءۇش كولىك سوعىسقان.
باتىس قازاقستان وبلىسى پوليتسيا دەپارتامەنتىنىڭ مالىمەتىنشە، Lada Granta اۆتوكولىگىنىڭ جۇرگىزۋشىسى جول قوزعالىسى ەرەجەسىن بۇزىپ، قارسى باعىتتاعى جولاققا شىققان. سونىڭ سالدارىنان كولىك Volkswagen Golf اۆتوموبيلىمەن بەتپە-بەت سوقتىعىسقان. ارتىنشا سول باعىتتا كەلە جاتقان Mercedes-Benz Sprinter شاعىن اۆتوبۋسى Volkswagen كولىگىنىڭ ارتقى بولىگىنە سوعىلعان.
جول اپاتى سالدارىنان Volkswagen Golf جۇرگىزۋشىسى رومان بوندار وقيعا ورنىندا العان اۋىر جاراقاتتارىنان كوز جۇمدى.
مارقۇم وتكەن جىلدىڭ قاراشا ايىندا جۇبايىنان ايىرىلعاننان كەيىن ءتورت قىزىن جالعىز ءوزى تاربيەلەپ كەلگەن. ەڭ كەنجە قىزى توعىز جاستا.
قازىر پوليتسيا جول اپاتىنا قاتىستى دەرەكتەردى انىقتاپ جاتىر.
