ماۋسىمدا قازاقستاندىقتار شەتەلگە 104 ملرد تەڭگە جىبەرگەن

2841
Adyrna.kz Telegram

ماۋسىم ايىندا قازاقستاندىقتار شەتەلگە 104 ملرد تەڭگە جىبەردى، دەپ حابارلايدى «ادىرنا» ءتىلشىسى LS-كە سىلتەمە جاساپ.

ۇلتتىق بانكتىڭ مالىمەتىنشە، جازدىڭ العاشقى ايىندا قازاقستاننان 104 ميلليارد تەڭگەگە 263 مىڭنان استام ترانزاكتسيا جاسالعان. ۆاليۋتا بويىنشا اۋدارىمداردىڭ نەگىزگى ۇلەسى دوللارمەن جۇزەگە اسىرىلدى (52,8%).

اقشانىڭ باسىم بولىگى وزبەكستانعا اۋدارىلعان. ماسەلەن، ماۋسىم ايىندا بۇل ەلگە 36,2 ميلليارد تەڭگەدەن استام قارجى جونەلتىلدى.

ودان كەيىنگى ورىندا رەسەي – 22,5 ملرد تەڭگە، تۇركيا – 20,7 ملرد تەڭگە، گرۋزيا – 7,8 ملرد تەڭگە، قىرعىزستان – 4,8 ملرد تەڭگە جانە قىتاي – 3,3 ملرد تەڭگە. ەڭ از قاراجات ارمەنياعا – 1,6 ملرد تەڭگە جانە ۋكرايناعا – 859,8 ملن تەڭگە جىبەرىلگەن.

ال قازاقستانعا شەتەلدەن 92 ملرد تەڭگەگە جۋىق سوماعا 176,3 مىڭ ترانزاكتسيا جاسالدى.

پىكىرلەر