تۇركىستان وبلىسىندا سايرامسۋ وزەنىنەن 27 جاستاعى ايەلدىڭ ءمايىتى تابىلدى، دەپ حابارلايدى “ادىرنا” ۇلتتىق پورتالى Almaty.tv ارناسىنا سىلتەمە جاساپ.
توتەنشە جاعدايلار دەپارتامەنتىنىڭ مالىمەتىنشە، مارقۇم ايەل وتباسىمەن بىرگە وزەن ماڭىندا دەمالىپ جۇرگەن. بەيرەسمي دەرەكتەرگە سۇيەنسەك، ايەل جۇكتى بولعان.
قۇتقارۋشىلار ونىڭ دەنەسىن ءۇش كۇن وتكەن سوڭ تاپقان.
«ورمان شارۋاشىلىعىنىڭ قىزمەتكەرلەرى مەن ولاردىڭ تۋىستارى بەلگىسىز جاعدايدا سايرام-وگەم ۇلتتىق تابيعي پاركى اۋماعىنداعى سۋعا قۇلاعان. توتەنشە جاعدايلار دەپارتامەنتىنىڭ قىزمەتكەرلەرى 1998 جىلى تۋعان جاس ايەلدىڭ دەنەسىن جاعاعا الىپ شىقتى. وقيعا ورنىنا سەگىز قىزمەتكەر، ەكى تەحنيكا جانە ءبىر ەحولوت جۇمىلدىرىلدى»، – دەدى تۇركىستان وبلىسى تجد باسقارماسىنىڭ ينجەنەرى اقارىس ومار.
ۇقساس جاڭالىقتار
