LRT جەلىسىن قوسشى باعىتىندا كەڭەيتۋ جوسپارلانىپ وتىر. بۇل تۋرالى بۇگىن، 29 قازاندا استانا قالاسىنىڭ اكىمى جەڭىس قاسىمبەك ايتتى، دەپ حابارلايدى «ادىرنا» ءتىلشىسى.
ول كۇن سايىن قوسشىدان ەلورداعا 15–20 مىڭعا جۋىق كولىك كىرەتىنىن، بۇل قالا جولدارىنا ايتارلىقتاي سالماق تۇسىرەتىنىن مالىمدەدى.
«قوسشى — قارقىندى دامىپ كەلە جاتقان قالا سەرىگى. ەكى قالا اراسىنداعى قوزعالىس وتە بەلسەندى بولعاندىقتان، LRT-ءنىڭ كەلەسى كەزەڭىن وسى باعىتتا سالامىز»، — دەدى اكىم.
ودان بولەك، ول LRT-نىڭ تاعى ءبىر تارماعى تۇران داڭعىلىنا دەيىن، ءارى قاراي ەسكى تەمىرجول ۆوكزالىنا دەيىن جالعاساتىنىن جەتكىزدى.
«الدىمەن ءبىرىنشى بولىگى اياقتالادى. قوسشى باعىتى بويىنشا جوبا شامامەن ءبىر جارىم جىلدا تولىق ىسكە قوسىلادى دەپ جوسپارلاپ وتىرمىز»، – دەپ ءتۇسىندىردى ەلوردا اكىمى.
اكىمنىڭ ايتۋىنشا، قۇرىلىس قارىز الۋ ارقىلى قارجىلاندىرىلۋى مۇمكىن.
