LRT jelısın Qosşy baǧytynda keŋeitu josparlanyp otyr. Būl turaly bügın, 29 qazanda Astana qalasynyŋ äkımı Jeŋıs Qasymbek aitty, dep habarlaidy «Adyrna» tılşısı.
Ol kün saiyn Qosşydan elordaǧa 15–20 myŋǧa juyq kölık kıretının, būl qala joldaryna aitarlyqtai salmaq tüsıretının mälımdedı.
«Qosşy — qarqyndy damyp kele jatqan qala serıgı. Ekı qala arasyndaǧy qozǧalys öte belsendı bolǧandyqtan, LRT-nıŋ kelesı kezeŋın osy baǧytta salamyz», — dedı äkım.
Odan bölek, ol LRT-nyŋ taǧy bır tarmaǧy Tūran daŋǧylyna deiın, ärı qarai eskı temırjol vokzalyna deiın jalǧasatynyn jetkızdı.
«Aldymen bırınşı bölıgı aiaqtalady. Qosşy baǧyty boiynşa joba şamamen bır jarym jylda tolyq ıske qosylady dep josparlap otyrmyz», – dep tüsındırdı elorda äkımı.
Äkımnıŋ aituynşa, qūrylys qaryz alu arqyly qarjylandyryluy mümkın.
