28 قازان كۇنى تالعار اۋداندىق سوتىندا «حۋتورلىقتار» توبىنىڭ جەتەكشىسى دەپ اتالىپ جۇرگەن حاسان قاسىمباەۆقا قاتىستى سوت ءىسى بويىنشا ءجارىسسوز باستالدى، دەپ حابارلايدى "ادىرنا" ءتىلشىسى.
مەملەكەتتىك ايىپتاۋشى ەرلان قۇلانباەۆ وعان 15 جىلعا باس بوستاندىعىنان ايىرۋ جازاسىن سۇرادى. سونداي-اق ايىپتالۋشىلاردان جابىرلەنۋشى تاراپقا بەس ميلليون تەڭگە مورالدىق وتەماقى ءوندىرۋدى ۇسىندى.
قاسىمباەۆقا ادام ۇرلاۋ، دەنساۋلىققا قاساقانا اۋىر زيان كەلتىرۋ جانە بوپسالاۋ باپتارى بويىنشا ايىپ تاعىلىپ وتىر. ايىپتالۋشىلار قاتارىندا تاعى 5 ادام بار.
تەرگەۋ نۇسقاسىنا سايكەس، 2021 جىلى قاسىمباەۆ ارالاس جەكپە-جەك جاتتىقتىرۋشىسى ارمان ءالىموۆتى ۇرلاپ، ونى اياۋسىز ۇرىپ-سوققان. سونداي-اق وعان 2016 جىلى ايۋپجان تاجيەۆكە جاسالعان شابۋىل ءىسى بويىنشا تاعى ءبىر ايىپ تاعىلعان.
ايتا كەتەيىك، حاسان قاسىمباەۆ 2024 جىلدىڭ 2 قاراشاسىندا ۇستالعان ەدى.
