23 قازان كۇنى اقتوبە وبلىسىنىڭ ايتەكە بي اۋدانىندا ورنالاسقان بەلقوپا اۋىلى ماڭىندا بولعان جول اپاتى سالدارىنان 12 ادام كوز جۇمدى، دەپ حابارلايدى "ادىرنا" ۇلتتىق پورتالى.
قايعىلى وقيعا «سامارا – شىمكەنت» اۆتوجولىندا تىركەلگەن. DAF جۇك كولىگى مەن جولاۋشى تاسىمالدايتىن «گازەل» كولىگى سوقتىعىسىپ، وقيعا ورنىندا بىرنەشە ادام قازا تاپقان. كەيىن جانساقتاۋ بولىمىندە تاعى بىرنەشە ادامنىڭ ءومىرى قيىلدى.
قازىرگى ۋاقىتتا ەكى كولىكتىڭ جۇرگىزۋشىلەرىنىڭ ارەكەتىنە قاتىستى تەرگەۋ جۇرگىزىلۋدە. قر ىشكى ىستەر مينيسترلىگى ارنايى تەرگەۋ توبىن قۇردى. سونىمەن قاتار، پرەمەر-ءمينيستردىڭ تاپسىرماسىمەن اپاتتىڭ سەبەبىن انىقتاۋ ءۇشىن ۇكىمەتتىك كوميسسيا جۇمىس ىستەي باستادى.
اقتوبە وبلىسى اكىمدىگىنىڭ ءباسپاسوز قىزمەتىنىڭ مالىمەتىنشە، قازا تاپقانداردىڭ وتباسىنا 1 ميلليون تەڭگەدەن ماتەريالدىق كومەك كورسەتىلەدى. مارقۇمداردىڭ اراسىندا ءبىر ءۇيدىڭ بىرنەشە مۇشەسى بار ەكەنى ايتىلدى.
