رەسەيلىك ءانشى اكمال حودجانيازوۆتىڭ (Akmal) پاۆلودار مەن وسكەمەن قالالارىنداعى كونتسەرتتەرى وتپەيتىن بولدى، دەپ حابارلايدى «ادىرنا» ءتىلشىسى.
28 قازان كۇنى پاۆلودارداعى ەستاي اتىنداعى مادەنيەت سارايىندا ەكى كونتسەرت ءوتۋى ءتيىس ەدى. الايدا ساراي اكىمشىلىگى كوممۋنالدىق اقاۋلاردىڭ تۋىنداعانىن ايتىپ، الداعى كۇندەرى عيمارات جابىق بولاتىنىن مالىمدەدى.
«كوممۋنالدىق اقاۋلارعا بايلانىستى ەستاي اتىنداعى مادەنيەت سارايى ۋاقىتشا جۇمىس ىستەمەيدى. عيمارات بىرنەشە كۇنگە تەحنيكالىق ماسەلەلەر تولىق جويىلعانشا جابىلادى. جۇمىس قايتا باستالعانى تۋرالى قوسىمشا ايتىلادى»،—دەلىنگەن حابارلامادا.
سونداي-اق ءانشىنىڭ وسكەمەندەگى كونتسەرتى دە توقتاتىلدى. بۇل تۋرالى Akmal ءوز جانكۇيەرلەرىنە Instagram پاراقشاسى ارقىلى حابارلاعان.
بۇعان دەيىن 25 قازاندا قوستانايدا دا جارىقتىڭ بولماۋىنا بايلانىستى كونتسەرتتەر توقتاتىلعان ەدى.
ايتا كەتەيىك، ەلىمىزدە اكمالدىڭ كونتسەرتتەرى پەتروپاۆلدا بولعان وقيعادان كەيىن جاپپاي توقتاتىلا باستادى. كونتسەرت كەزىندە ءبىر جانكۇيەر انشىگە سارى-كوك ءتۇستى قاپتاماعا سالىنعان الكوگول بوتەلكەسىن سىيعا تارتقان ەدى.
«مىنا پاكەتتi ورتەپ جىبەرىڭدەرشى، ءتۇسى ۇناماي تۇر»،— دەپ پىكىر ءبىلدىردى ءانشى.
بۇل ءسوز كوپشىلىكتىڭ اشۋىنا ءتيىپ، قازاقستاندىقتار ونەر يەسىنىڭ كونتسەرتتەرىن وتكىزبەۋدى تالاپ ەتكەن بولاتىن.
"قازاق ەلىندە تۇراتىنىمىزدى ۇمىتپايىق". دەپۋتات ءماسليحات وتىرىسىن مەملەكەتتىك تىلدە وتكىزۋدى ۇسىندى
