الماتىدا 10 وزبەك ازاماتىن قۇلدىقتا ۇستاعان

3034
Adyrna.kz Telegram

قازاقستاندا قۇلدىقتا بولعان وزبەكستاننىڭ 10 ازاماتى ەلىنە قايتارىلدى. بۇل تۋرالى «دۋنە» اقپارات اگەنتتىگى جازدى، دەپ حابارلايدى «ادىرنا» ءتىلشىسى.

سىرتى ىستەر مينيسترلىگىنىڭ مالىمدەۋىنشە، ءۇش وزبەك ازاماتى الماتىدا ورنالاسقان وزبەكستاننىڭ باس ەلشىلىگىنە جۇگىنگەن. ارىزدانۋشىلار ولاردى ءبىر توپ جەرگىلىكتى تۇرعىن قۇلدىقتا ۇستاپ، جەكە زاتتارى مەن ۇيالى تەلەفوندارىن تارتىپ العانىن ايتقان.

«باس كونسۋلدىق قىزمەتكەرلەرى الماتى قالاسى قۇقىق قورعاۋ ورگاندارىنىڭ وكىلدەرىمەن بىرگە وزبەكستان ازاماتتارى ورنالاسقان جەرگە باردى. ازاماتتار بوستاندىق اۋداندىق پوليتسيا بولىمىنە جەتكىزىلدى.

قىلمىسكەرلەرگە قاتىستى قر قىلمىستىق كودەكسىنىڭ 389-بابى بويىنشا قىلمىستىق ءىس قوزعالدى»،— دەدى ۆەدومستۆو.

تەرگەۋ شارالارى جۇرگىزىلىپ، وزبەكستاندىقتارعا ۇلتتىق تولقۇجاتتارى مەن جەكە زاتتارى قايتارىلعان سوڭ 1 تامىزدا بارلىق ازامات الماتى-تاشكەنت باعىتى بويىنشا اۆتوۆوكزالعا جەتكىزىلدى. شەتەلدىكتەر ەلدەرىنە امان-ەسەن ورالدى.

پىكىرلەر