Qazaqstanda quldyqta bolǵan Ózbekstannyń 10 azamaty eline qaıtaryldy. Bul týraly «Dýne» aqparat agenttigi jazdy, dep habarlaıdy «Adyrna» tilshisi.
Syrty ister mınıstrliginiń málimdeýinshe, úsh ózbek azamaty Almatyda ornalasqan Ózbekstannyń bas elshiligine júgingen. Aryzdanýshylar olardy bir top jergilikti turǵyn quldyqta ustap, jeke zattary men uıaly telefondaryn tartyp alǵanyn aıtqan.
«Bas konsýldyq qyzmetkerleri Almaty qalasy quqyq qorǵaý organdarynyń ókilderimen birge Ózbekstan azamattary ornalasqan jerge bardy. Azamattar Bostandyq aýdandyq polıııa bólimine jetkizildi.
Qylmyskerlerge qatysty QR Qylmystyq kodeksiniń 389-baby boıynsha qylmystyq is qozǵaldy»,— dedi vedomstvo.
Tergeý sharalary júrgizilip, ózbekstandyqtarǵa ulttyq tólqujattary men jeke zattary qaıtarylǵan soń 1 tamyzda barlyq azamat Almaty-Tashkent baǵyty boıynsha avtovokzalǵa jetkizildi. Sheteldikter elderine aman-esen oraldy.
