قوستاناي وبلىسىنىڭ تورعاي اۋىلىندا احمەت بايتۇرسىنۇلى مەن مىرجاقىپ دۋلاتۇلىنىڭ ەسكەرتكىشتەرى بوي كوتەرمەك. بۇل تۋرالى مادەنيەت جانە سپورت ءمينيسترى داۋرەن اباەۆ مالىمدەدى، دەپ حابارلايدى «ادىرنا» ءتىلشىسى.
«كەشە ۇلتتىق اكادەميالىق كىتاپحانادا مونۋمەنتتىك ونەر قۇرىلىستارىن ورناتۋ جونىندەگى كوميسسيا وتىرىسى ءوتتى. جيىندا مونۋمەنتالدى ونەر سالاسىنداعى ساراپشىلارمەن كوپتەگەن وزەكتى ماسەلەنى تالقىلادىق.
وتىرىستا ماقۇلدانعانداي، الداعى ۋاقىتتا قوستاناي وبلىسىنىڭ تورعاي اۋىلىندا الاش قايراتكەرلەرى احمەت بايتۇرسىنۇلى مەن مىرجاقىپ دۋلاتۇلىننىڭ ەسكەرتكىشتەرى بوي كوتەرەدى. سونداي-اق الماتى قالاسىندا احمەت بايتۇرسىنۇلىنا ەسكەرتكىش جانە تەاتر قايراتكەرى جۇمات شانينگە بيۋست ورناتىلادى»،— دەدى ول.
سونداي-اق، كوميسسيا مۇشەلەرى جامبىل، قاراعاندى، قوستاناي، تۇركىستان جانە ۇلىتاۋ وبلىستارى اكىمدىكتەرىنىڭ يدەيالىق ۇسىنىستارىن ءبىراۋىزدان قولدادى.
اتالعان وڭىرلەردە قازاقستاننىڭ حالىق جازۋشىسى شەرحان مۇرتازاعا، اقىن، مەملەكەت جانە قوعام قايراتكەرى كاكىمبەك سالىقوۆقا، نياز باتىر سايدالى بارقىۇلىنا، ەكىنشى دۇنيەجۇزىلىك سوعىس جانە ەڭبەك ارداگەرى جاقسىبەك وڭشىباەۆقا، سونداي-اق تۇرىك ساياساتكەرى، مەملەكەت قايراتكەرى ادنان مەندەرسكە ارنالعان ەسكەرتكىشتەردى جوبالاۋ جوسپارلانىپ وتىر.
