استانا قالاسىندا وتكەن مارافوندا 82 جاستاعى امانگەلدى دوسجانوۆ 10 شاقىرىم قاشىقتىقتى نەبارى 1 ساعات 23 مينۋتتا جۇگىرىپ ءوتىپ، سپورت سۇيەر قاۋىمدى ءتانتى ەتتى. بۇل تۋرالى استانا قالاسى دەنە شىنىقتىرۋ جانە سپورت باسقارماسى وزدەرىنىڭ رەسمي پاراقشاسىندا جاريالادى، دەپ حابارلايدى “ادىرنا”.
«ەگەر نيەت بولسا، ەشقاشان كەش ەمەس. جاپپاي جۇگىرۋ جارىسىنا قاتىسقان ەرەكشە قاتىسۋشى – 82 جاستاعى امانگەلدى دوسجانوۆ 10 شاقىرىمدى 1 ساعات 23 مينۋتتا جۇگىرىپ ءوتتى»، — دەلىنگەن باسقارما حابارلاماسىندا.
امانگەلدى دوسجانوۆ جۇگىرۋمەن 79 جاسىندا اينالىسا باستاعان. قازىرگى تاڭدا ول اپتاسىنا ءۇش رەت 5–10 شاقىرىم ارالىعىندا جاتتىعۋ جاسايدى. نەگىزگى جاتتىعۋ ورنى — حالىق مۋزىكانتتارى اللەياسى مەن «جەرۇيىق» ساياباعى.
وقيعا استانالىقتار اراسىندا ۇلكەن قولداۋ تاۋىپ، كوپشىلىككە دەنساۋلىق پەن بەلسەندى ءومىر سالتىنىڭ ماڭىزىن ەسكە سالدى.
