Astana qalasynda ötken marafonda 82 jastaǧy Amangeldı Dosjanov 10 şaqyrym qaşyqtyqty nebärı 1 saǧat 23 minutta jügırıp ötıp, sport süier qauymdy täntı ettı. Būl turaly Astana qalasy Dene şynyqtyru jäne sport basqarmasy özderınıŋ resmi paraqşasynda jariialady, dep habarlaidy “Adyrna”.
«Eger niet bolsa, eşqaşan keş emes. Jappai jügıru jarysyna qatysqan erekşe qatysuşy – 82 jastaǧy Amangeldı Dosjanov 10 şaqyrymdy 1 saǧat 23 minutta jügırıp öttı», — delıngen basqarma habarlamasynda.
Amangeldı Dosjanov jügırumen 79 jasynda ainalysa bastaǧan. Qazırgı taŋda ol aptasyna üş ret 5–10 şaqyrym aralyǧynda jattyǧu jasaidy. Negızgı jattyǧu orny — Halyq muzykanttary alleiasy men «Jerūiyq» saiabaǧy.
Oqiǧa astanalyqtar arasynda ülken qoldau tauyp, köpşılıkke densaulyq pen belsendı ömır saltynyŋ maŋyzyn eske saldy.
