TikTok بلوگەرى ءارى ديرەكتور اقمونشاق نۇرتازا "شاپاعات" مەدالىمەن ماراپاتتالدى، دەپ حابارلايدى "ادىرنا" ۇلتتىق پورتالى.
بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى.
“بۇل كۇن – مەن ءۇشىن ءاردايىم ەرەكشە مانگە يە ەدى. ال بيىل بۇل كۇن بۇرىنعىدان دا ەرەكشە – مەن العاش رەت “شاپاعات” مەدالىمەن ماراپاتتالدىم”، – دەپ جازدى اقمونشاق نۇرتازا.
ول مەدالدىڭ ءمانىن ەرەكشە اتاپ ءوتتى.
“مەدالدىڭ ماعىناسىنا ۇڭىلسەم، ‘بەلسەندىلىك پەن مەيىرىمدىلىك ءۇشىن’ دەگەن سوزدەر كوزىمە ءبىرىنشى ءتۇستى. سول ساتتە جۇرەگىم ەلجىرەپ كەتتى – بۇل ۇعىمدار مەنىڭ ومىرلىك ۇستانىمىممەن ۇندەس” - دەدى ول.
اقمونشاق ءبىلىم سالاسىنداعى بەلسەندىلىگىن تەك ءوزىنىڭ ەڭبەگى ەمەس، ۇجىمىنىڭ بىرلىگى، اتا-انالاردىڭ سەنىمى، وقۋشىلاردىڭ تابىسى جانە حالىقتىڭ قولداۋىنىڭ كورىنىسى دەپ اتاپ ءوتتى
ول سونىمەن قاتار: “ماراپاتتىڭ ەڭ قىمباتى – حالىقتىڭ سۇيىسپەنشىلىگى مەن سەنىمى. ال ەڭ ۇلكەن باقىت – ەلگە قىزمەت ەتۋ”، – دەدى.
