TikTok blogerı ärı direktor Aqmonşaq Nūrtaza "Şapaǧat" medalımen marapattaldy, dep habarlaidy "Adyrna" ūlttyq portaly.
Būl turaly ol özınıŋ äleumettık jelıdegı paraqşasynda jazdy.
“Būl kün – men üşın ärdaiym erekşe mänge ie edı. Al biyl būl kün būrynǧydan da erekşe – men alǧaş ret “Şapaǧat” medalımen marapattaldym”, – dep jazdy Aqmonşaq Nūrtaza.
Ol medaldıŋ mänın erekşe atap öttı.
“Medaldyŋ maǧynasyna üŋılsem, ‘belsendılık pen meiırımdılık üşın’ degen sözder közıme bırınşı tüstı. Sol sätte jüregım eljırep kettı – būl ūǧymdar menıŋ ömırlık ūstanymymmen ündes” - dedı ol.
Aqmonşaq bılım salasyndaǧy belsendılıgın tek özınıŋ eŋbegı emes, ūjymynyŋ bırlıgı, ata-analardyŋ senımı, oquşylardyŋ tabysy jäne halyqtyŋ qoldauynyŋ körınısı dep atap öttı
Ol sonymen qatar: “Marapattyŋ eŋ qymbaty – halyqtyŋ süiıspenşılıgı men senımı. Al eŋ ülken baqyt – elge qyzmet etu”, – dedı.
