بۇگىن – قازاقستاننىڭ ەگەمەندىگى مەن مەملەكەتتىلىگىنىڭ باستاۋى سانالاتىن رەسپۋبليكا كۇنى.
1990 جىلدىڭ 25 قازانىندا قازاق كسر جوعارعى كەڭەسىندە بىرنەشە ساعاتقا سوزىلعان ايتىس-تارتىستان كەيىن حالقىمىزدىڭ تاۋەلسىزدىككە ۇمتىلىسىن زاڭدى تۇردە بەكىتكەن تاريحي قۇجات – «مەملەكەتتىك ەگەمەندىك تۋرالى» دەكلاراتسيا قابىلداندى. بۇل قۇجات قازاقستاننىڭ جاڭا مەملەكەت رەتىندە قالىپتاسۋىنىڭ ساياسي-قۇقىقتىق نەگىزىن قالادى.
رەسپۋبليكا كۇنى العاش رەت 1995 جىلى ۇلتتىق مەرەكە رەتىندە اتالىپ ءوتتى. ال 2001 جىلى بۇل كۇن مەملەكەتتىك مەرەكەلەر قاتارىنا قوسىلدى.
كەيىن ۋاقىت وتە بۇل مەرەكەنىڭ مارتەبەسى وزگەرگەنىمەن، 2022 جىلعى 16 ماۋسىمدا مەملەكەت باسشىسى قاسىم-جومارت توقاەۆ ۇلتتىق قۇرىلتاي بارىسىندا رەسپۋبليكا كۇنىنە ۇلتتىق مەرەكە مارتەبەسىن قايتارۋدى ۇسىندى. سول جىلدىڭ قىركۇيەگىندە بۇل باستاما زاڭنامالىق تۇرعىدا بەكىتىلدى.
