«ادىرنا» پورتالى YouTube ارناسىنىڭ كەزەكتى قوناعى – ءداستۇرلى ءانشى گۇلشات تاكەجانوۆا. سۇحبات بارىسىندا ول مارقۇم جارى، ءانشى، مادەنيەت قايراتكەرى بيعازى تۇتقابەكوۆ تۋرالى ەستەلىكتەرىمەن ءبولىستى.
گۇلشات تاكەجانوۆا وتىز جاسىندا جاستاي ءسۇيىپ قوسىلعان جارىنىڭ قازاسىن باستان وتكەرگەنىن ايتتى. بيعازى تۇتقابەكوۆ «سەرپەر» ءانسامبلىن قۇرىپ، ونەردە تانىلا باستاعان تۇستا، 2006 جىلى 12 ناۋرىزدا كەنەتتەن ومىردەن وتكەن. بيىل مارقۇمنىڭ تۋعانىنا 50 جىل تولعانىمەن، ونىڭ ەسىمى تۋعان جەرىندە جانە ونەر قاۋىمىندا ەلەۋسىز قالىپ جاتقانىن ءانشى وكىنىشپەن جەتكىزدى.
سۇحباتتا گۇلشات تاكەجانوۆا ءۇش بالامەن جەسىر قالعاننان كەيىنگى ءومىر جولى، قيىندىققا مويىماي، ونەر مەن وتباسىن قاتار الىپ جۇرگەنى جايلى شىنايى اڭگىمەلەدى. ول اتا ءداستۇرىن ۇستانىپ، ۇل-قىزىن ەل قاتارلى وسىرگەنىن جانە ءومىردىڭ اۋىر ساتتەرىندە رۋحىن تۇسىرمەي، قايسارلىق تانىتقانىن ايتتى.
ءانشىنىڭ بۇل سۇحباتى قازاق ايەلىنىڭ تاباندىلىعى مەن رۋحاني كۇشىن ايعاقتايتىن ومىرلىك ساباققا تولى اڭگىمە بولدى.
