اقتوبەدە اسيح-اۋرۋحاناعا ءماجبۇرلى تۇردە جاتقىزىلعان بەس بالانىڭ اناسىنا قاتىستى ساراپتاما ناتيجەسى شىقتى. بۇل تۋرالى الەۋمەتتىك جەلىدە بەلسەندى اقمارال باسيروۆا جازدى، دەپ حابارلايدى "ادىرنا".
ونىڭ ايتۋىنشا، كوپبالالى انا تۋرالى اقپارات سوڭعى كۇندەرى قوعامدا ۇلكەن رەزونانس تۋدىرعان.
"ءبىز باسىنان باستاپ وعان قويىلعان دياگنوزبەن كەلىسپەگەنبىز. سەبەبى جۇلدىزدى پسيحياتريالىق اۋرۋحاناعا جالعان اقپارات نەگىزىندە، تۋىسى – ءوز اپكەسىنىڭ ارىزى ارقىلى جاتقىزعان. بۇل جاعداي انانى تەرەڭ كۇيزەلىسكە ءتۇسىرىپ، بالالارىنا دا اۋىر سوققى بولدى. الايدا شىندىق تۇبىندە اشىلاتىنىنا ءبىز سەندىك!!! جاقىندا جۇلدىز حانىم الماتى قالاسىنداعى رەسپۋبليكالىق پسيحيكالىق دەنساۋلىق ورتالىعىنا جىبەرىلدى. ون كۇن بويى پسيحولوگتار، پروفەسسورلار، دوتسەنتتەر جانە كافەدرا مەڭگەرۋشىلەرى كاسىبي تۇردە كەشەندى تەكسەرىس جۇرگىزدى", – دەيدى بەلسەندى.
24 ماماننان قۇرالعان كونسيليۋم جۇلدىزدىڭ جاعدايىن قاراپ، قورىتىندى جاساعان.
"تولىقتاي ساۋ دەگەن! بۇل ساراپتاما" - شىندىقتى قالپىنا كەلتىرۋ جولىنداعى ماڭىزدى قادام، - دەدى ول.
بەلسەندى بۇل جايتقا بايلانىستى ادىلدىكتى تالاپ ەتتى.
ەسكە سالايىق، بۇعان دەيىن اقتوبە قالاسىندا بەس بالا ۇندەۋ جاساپ كومەك سۇراعان بولاتىن. سول ساتتە ءبىر ءۇيدىڭ بەس بالاسى اقتوبە قالاسىنداعى “ايالا” بالالار ورتالىعىندا تۇرىپ جاتقان ەدى. سەبەبى ولاردىڭ سوزىنشە، انالارىن تۋىسقان اپالارى پسيح-اۋرۋحاناعا ماجبۇرلەپ اپارىپ تاستاعان.
