25 qazan – Respublika künı qarsaŋynda Qazaqstan Respublikasynyŋ Prezidentı Qasym-Jomart Toqaevtyŋ Jarlyǧymen elımızdıŋ äleumettık-ekonomikalyq, mädeni-ruhani damuyna, halyqtar arasyndaǧy dostyq pen yntymaqtastyqty nyǧaituǧa eleulı üles qosqan jäne belsendı qoǧamdyq qyzmet atqarǧan bırqatar azamat memlekettık nagradamen marapattaldy. Būl turaly Aqorda mälım ettı, dep habarlaidy "Adyrna".
Olardyŋ qatarynda eŋbek ardagerlerı, jūmysşylar, öndırıs, biznes, bılım beru, ǧylym, densaulyq saqtau salalarynyŋ ökılderı, äskeriler, qūqyq qorǧau organdarynyŋ qyzmetkerlerı, sportşylar, mädeniet jäne öner qairatkerlerı bar.
Öndırıstı örkendetuge jäne agroönerkäsıp keşenın damytuǧa zor üles qosqany üşın Soltüstık Qazaqstan oblysyndaǧy «Mämbetov jäne K» KS mehanizatory M.Qarajūmanovqa, tau-ken salasyndaǧy aituly jetıstıgı jäne ūzaq jylǧy eŋbegı üşın Qaraǧandy oblysyndaǧy «Qarmet» AQ «Şahtinskaia» şahtasynyŋ uchaske bastyǧy S. Chernobaiǧa «Qazaqstannyŋ Eŋbek Erı» ataǧy berıldı.
Pavlodar oblysyndaǧy «Galiskoe» JŞS direktory A.Kasisin «Otan» ordenımen marapattaldy.
«Baqyrşyq tau-ken öndıru käsıporny» JŞS basqarma töraǧasy K.İsaev, Qazaqstan jurnalistikasynyŋ ardagerı S. Harchenko I därejelı «Barys» ordenımen; «Aqtoǧai» su elektr stansasynyŋ direktory T.Baimoldaev, Ūlttyq ǧylym akademiiasynyŋ akademigı O.Säbden, eŋbek ardagerı E.Täjiev, «Almaty äuenderı» konserttık orkestrınıŋ bas dirijerı M.Serkebaev jäne basqalar II därejelı «Barys» ordenımen; K.Baiseiıtova atyndaǧy Qazaq ūlttyq öner universitetınıŋ professorlary A.Almatov pen N.İzmailov, «Aqsaigazservis» AQ holdingı kompaniialar toby direktorlar keŋesınıŋ töraǧasy T.Şektebaev, aqyn Ä.Berkenova jäne basqalar III därejelı «Barys» ordenımen nagradtaldy.
Elımızdıŋ ruhani kemeldenuıne jäne ziiatkerlık äleuetınıŋ damuyna eleulı üles qosqany üşın belgılı ǧalymdarǧa, mädeniet qairatkerlerıne jäne öndırıs salasynyŋ ökılderıne «Parasat» ordenı berıldı.
"Olardyŋ qatarynda «İlinskoe» JŞS direktory A.Burlev, aqyn Ǧ.Jailybai, «Mūnai-gaz keşenı ardagerlerı» RQB keŋesınıŋ müşesı T.Hasanov, Qazaqstan jurnalistikasynyŋ ardagerı E.Brusilovskaia, Şyǧys Qazaqstan oblystyq auruhanasynyŋ bölım meŋgeruşısı M.Başabaev jäne basqalary bar", — delıngen habarlamada.
Beibıtşılıktı, halyqtar arasyndaǧy dostyq pen yntymaqtastyqty nyǧaituǧa qosqan ülesı üşın «Social theater-Camogli» (İtaliia) teatrynyŋ körkemdık jetekşısı Akvaviva Djuzeppe II därejelı «Dostyq» ordenıne laiyq dep tanyldy.
«Qūrmet» ordenımen marapattalǧandardyŋ qatarynda Astanadaǧy № 3 qalalyq balalar auruhanasynyŋ bas därıgerı M.Abduov, «Qūmqūdyq» JŞS bas injenerı B.Aitjan, «QazaqGaz Aimaq» Almaty öndırıstık filialynyŋ slesarı G.Jasybaeva, Ūlttyq iadrolyq ortalyqtyŋ laboranty Iý.Kariagin, Ortalyq memlekettık arhivtıŋ direktory S. Şıldebai, aktrisa G.Dusmatova, «Alternativa» özektı zertteuler ortalyǧynyŋ direktory A.Chebotarev jäne basqalary bar.
Ūlt bırlıgın nyǧaitu jäne qoǧamdyq kelısımdı qamtamasyz etu jolyndaǧy jemıstı eŋbegı üşın «El bırlıgı» ordenımen «Ahyska» türık etnomädeni ortalyǧynyŋ Şymkent qalasy filialynyŋ töraǧasy L.Asanov, Pavlodar oblysy boiynşa orys, slavian jäne kazak ūiymdary qauymdastyǧynyŋ töraǧasy V.Berkovskii, «Vozrojdenie» Qazaqstan nemısterı bırlestıgı qamqorşylar keŋesınıŋ töraǧasy E.Bolgert, «Taŋ» tatar-başqūrt etnomädeni ortalyǧynyŋ töraǧasy R.Valiev, «Dustlik» özbek etnomädeni bırlestıkterınıŋ qauymdastyǧy töraǧasynyŋ orynbasary A.İsmatullaev marapattaldy.
Önerkäsıp, kölık, qūrylys, auyl şaruaşylyǧy jäne basqa da öndırıstık salalardyŋ eŋbekkerlerı III därejelı «Eŋbek Daŋqy» ordenınıŋ kavalerı atandy.
«Qazaqstannyŋ eŋbek sıŋırgen qairatkerı» qūrmettı ataǧy mädeniet salasynyŋ körnektı ökılderı Z.Altynbaevaǧa, Ä.Altynbekke, N.Jmereneskaiaǧa, B.Qajybaevqa, belgılı käsıpker, qoǧam qairatkerı İ.Sauerge jäne taǧy da basqalarǧa berıldı.
«Qazaqstannyŋ halyq jazuşysy» ataǧyna aqyn M.Aitqoja, jazuşy Ǧ.Qabyşūly, «Qazaqstannyŋ halyq ärtısı» ataǧyna muzyka, teatr jäne kino önerınıŋ körnektı qairatkerlerı B.Äbdılmanov, M.Ötekeşova, A.Jaiymov, T.Janqūl, Ş. Janysbekova, B.İbraev, K.Qazaqbaeva, R.Maşurova laiyq dep tanyldy.
Densaulyq saqtau jäne ǧylym salasynyŋ bırqatar ökılı «Qazaqstannyŋ eŋbek sıŋırgen därıgerı» jäne «Qazaqstannyŋ eŋbek sıŋırgen ǧylym jäne tehnika qairatkerı» qūrmettı ataqtaryna ie boldy.
«Qazaqstan Respublikasynyŋ gidrogeologiialyq kartalar atlasynyŋ» qūrastyruşylary M.Äbsämetovke, R.Aiazbaevqa, E.Köldeevke, E.Mūrtazinge, V.Smoliarǧa, sondai-aq tüstı metallurgiiadaǧy ekologiialyq qauıpsızdık jönındegı zertteulerdıŋ avtorlary B.Kenjälievke, V.Volodinge, E.Ospanovqa, S. Trebuhovqa, A.Şahalovqa Qazaqstan Respublikasynyŋ äl-Farabi atyndaǧy ǧylym men tehnika salasyndaǧy Memlekettık syilyǧy berıldı.
Sonymen qatar belgılı arheolog Z.Samaşev, tarihşy M.-A.Sydyqnazarov Qazaqstan Respublikasynyŋ A.Baitūrsynūly atyndaǧy gumanitarlyq ǧylymdar salasyndaǧy Memlekettık syilyǧynyŋ laureaty atandy.
Äskeri jäne qyzmettık boryşyn ülgılı atqarǧany, zaŋdylyq pen qūqyqtyq tärtıptı qamtamasyz etu, ūlttyq qauıpsızdıktı nyǧaitu kezınde körsetken erlıgı men janqiiarlyǧy üşın äskeri qyzmetşıler men qūqyq qorǧau organdary ökılderınıŋ bır toby II därejelı «Daŋq» ordenımen, I, II, III därejelı «Aibyn» ordenımen, «Erlıgı üşın» jäne «Jauyngerlık erlıgı üşın» medaldarymen marapattaldy.
Aita keterlık jait, Jūmysşy mamandyqtary jylyna orai Respublika künı qarsaŋynda eŋbek äuletterınıŋ 138 ökılı, önerkäsıp, kölık, qūrylys, auyl şaruaşylyǧy jäne basqa da salalardyŋ 500-ge juyq jūmysşysy men eŋbekkerı, şaǧyn jäne orta biznestıŋ 200-ge juyq ökılı, 130-dan astam ūstaz ben ǧalym, 100-den asa medisina qyzmetkerı jäne kündelıktı eŋbegımen el damuyna üles qosyp jürgen basqa da azamattar memlekettık nagradalarǧa ie boldy.
