بەلگىلى كاسىپكەر رۋسلان بەردەنوۆ الەۋمەتتىك جەلىدە اعاسى ەرۇلاننىڭ ومىردەن وتكەنىن حابارلادى، دەپ حابارلايدى "ادىرنا" ۇلتتىق پورتالى.
بەردەنوۆ ءوزىنىڭ Instagram پاراقشاسىندا مارقۇمعا ارنالعان جازبا جاريالاپ، كوڭىل ايتتى.
«ەرۇلان اعا... قوش بول! يمانىڭ جولداس بولسىن! ەرۇلان اعامىزدىڭ بۇكىل جاقىن-تۋىستارىنا، جانۇياسىنا، بالالارىنا كوڭىل ايتامىن، قايعىلارىڭىزعا ورتاقپىز! ءبىز سىزدەرگە قولداۋ كورسەتۋگە ارقاشان دايىنبىز»، – دەپ جازدى ول.
جەلى قولدانۋشىلارى دا كاسىپكەردىڭ جازباسىنا قايعىلى جاعدايعا بايلانىستى جىلى لەبىزدەر مەن قولداۋ پىكىرلەرىن قالدىردى.
ەرۇلان قۇسايىنوۆ - «مەنىڭ اتىم قىزبولسىن» ءفيلمىنىڭ پروديۋسەرى. ودان بولەك ER-BATYR, «وسكولكي»، Urpaq سەكىلدى جوبالارىنىڭ اۆتورى.
«جابانىڭ نەگىزىن سالۋشى ەرۇلان قۇسايىنوۆ ومىردەن ءوتتى. ەرۇلان – ەلدەگى ءىرى كومپانيالاردا باسشى بولعان تالانتتى كوشباسشى. ول ءومىرىن ءبىلىم بەرۋ جانە الەۋمەتتىك جوبالاردى دامىتۋعا ارنادى، كوپشىلىككە ۇلگى بولدى»، – دەلىنگەن "وسكولكي" پودكاستىنىڭ الەۋمەتتىك جەلىدەگى پاراقشاسىندا.
