ءماجىلىس دەپۋتاتى ولجاس قۇسپەكوۆ پارتيالاسى رۋسلان بەردەنوۆتىڭ جاعدايىنا قاتىستى پىكىر ءبىلدىردى، دەپ حابارلايدى «ادىرنا» ۇلتتىق پورتالى.
«بىرەۋدىڭ دەنساۋلىعىنا قاساقانا نەمەسە باسقا جولمەن زيان كەلتىرۋ – قازىرگى زامان تالابىنا ساي كەلمەيتىن نارسە. زاڭ ۇستەمدىگىن قاراساق، ولاي ىستەۋگە بولمايدى.
رۋسلان بەردەنوۆتىڭ شىمكەنت قالاسى اكىمىنىڭ ورىنباسارى قىزمەتى – ساياسي قىزمەت. ال ساياسي قىزمەتتە جۇمىس ىستەۋ كەرەك. ول دەنساۋلىق جاعدايىنا بايلانىستى قىزمەتىن ءارى قاراي جالعاستىرا المايتىن بولسا، ورنىن بوساتۋ كەرەك قوي. بۇل جەردە جەكە بەردەنوۆتىڭ مۇددەسى ەمەس، مەملەكەت مۇددەسى باستى ورىندا بولۋى ءتيىس.
ءجۋرناليستىڭ "بەردەنوۆ «امانات» پارتياسىنىڭ مۇشەلىگىندە بار ما؟" دەگەن ساۋالىنا دەپۋتات:
"بەردەنوۆ قازىر پارتيا مۇشەلىگىندە بار. ول ساياسي قىزمەتكە تاعايىندالعان كەزدە پارتيانىڭ ىشكى قىزمەتتەرىنەن بوساتىلعان. ال پارتيا مۇشەسى رەتىندە ءاردايىم قالا بەرەدى. ول دەنساۋلىق جاعدايىن دۇرىستاپ، ساياسي قىزمەتتى جالعاستىرۋعا نيەت تانىتىپ جاتسا، وعان ەشكىم قارسىلىق تانىتپايدى", – دەپ جاۋاپ بەردى.
ولجاس قۇسپەكوۆتىڭ ايتۋىنشا، رۋسلان بەردەنوۆ شەتەلدە ەم قابىلداپ جاتىر.
"مەن شىمكەنتكە بەردەنوۆتىڭ جاعدايىن ءبىلۋ ءۇشىن باردىم، تەلەفونمەن دە حابارلاسقانىم بار. قازىر دەنساۋلىق جاعدايىنا بايلانىستى شەتەلدە رەابيليتاتسيادان ءوتىپ جاتىر. قازىر تەك تەلەفون ارقىلى بايلانىستامىز", – دەدى ول.
