ريم پاپاسىنا تيەسىلى موتوتسيكل ميۋنحەن قالاسىنداعى RM Sotheby’s اۋكتسيون ۇيىندە 156 مىڭ ەۋروعا (شامامەن 98 ميلليون تەڭگە) ساتىلدى. بۇل قاراجات ماداگاسكارداعى بالالارعا كومەك كورسەتۋگە باعىتتالادى، دەپ حابارلايدى “ادىرنا”.
ساتىلىمعا قويىلعان BMW R 18 Transcontinental ۇلگىسىندەگى موتوتسيكل XIV پاپا لەۆكە ارنايى سىيعا تارتىلعان. كولىك ەرەكشە تۇستە جاسالعان – ونىڭ ءتۇسى ريم پاپاسىنىڭ رەسمي كولىگى – ءپاپاموبيلدىڭ ستيلىنەن شابىتتاندىرىلعان. سونىمەن قاتار، موتوتسيكلدىڭ جانارماي باگىنا ريم پاپاسى ءوز قولتاڭباسىن قالدىرعان جانە ونىمەن بىرنەشە فوتوسۋرەتكە تۇسكەن.
اۋكتسيوننان تۇسكەن قارجى تولىقتاي قايىرىمدىلىق ماقساتىندا جۇمسالماق. ۇيىمداستىرۋشىلاردىڭ ايتۋىنشا، بۇل قاراجات ماداگاسكارداعى بالالاردىڭ الەۋمەتتىك جاعدايىن جاقسارتۋعا، ءبىلىم بەرۋ مەن مەديتسينالىق كومەككە باعىتتالادى.
اۋكتسيوندا بۇل لوت ەرەكشە قىزىعۋشىلىق تۋدىردى. كوللەكتسيونەرلەر مەن قايىرىمدىلىققا بەي-جاي قارامايتىن ازاماتتار موتوتسيكلگە جوعارى باعا ۇسىندى. ساراپشىلار بۇل ساتىلىمدى تەك كولىك نەمەسە كوللەكتسيالىق زات رەتىندە ەمەس، رۋحاني قۇندىلىق پەن يگى ىستەردى ۇشتاستىرعان اۋقىمدى شارا دەپ باعالاپ وتىر.
