دەنساۋلىق ساقتاۋ مينيسترلىگىندە كەڭەس ءوتتى، ونىڭ بارىسىندا ۇلىتاۋ وبلىسىنىڭ دەنساۋلىق ساقتاۋ جۇيەسىن دامىتۋدىڭ كەشەندى جوسپارى بەكىتىلدى.
باستى ماقسات – ءوڭىر تۇرعىندارىنا ساپالى جانە ۋاقتىلى مەديتسينالىق كومەك كورسەتۋ ءۇشىن جاعداي جاساۋ. ول ءۇشىن مەديتسينالىق نىسانداردى سالۋ جانە كۇردەلى جوندەۋ، ولاردى زاماناۋي جابدىقتارمەن جاراقتاندىرۋ، دارىلىك زاتتارمەن قامتاماسىز ەتۋ، سونداي-اق مەديتسينالىق كادرلاردى دايارلاۋ جانە تارتۋ جونىندەگى شارالار كوزدەلگەن.
كەڭەستە رەسپۋبليكالىق عىلىمي ورتالىقتاردىڭ ءبىرىنشى باسشىلارى ءسوز سويلەپ، ناقتى مەرزىمدە جوعارى تەحنولوگيالىق باعىتتاردى دامىتۋ جونىندەگى ءىس-شارالار جوسپارىن ۇسىندى.
ونكولوگيا، كارديولوگيا جانە كارديوحيرۋرگيا، حيرۋرگيا، نەيروحيرۋرگيا، تراۆماتولوگيا، سونداي-اق بوساندىرۋ جانە بالالىق شاق سياقتى نەگىزگى قىزمەتتەردى دامىتۋعا ەرەكشە نازار اۋدارىلادى.
وبلىستا مەديتسينالىق-سانيتاريالىق العاشقى كومەكتى نىعايتۋ بويىنشا ناقتى شەشىمدەر قابىلداندى.
كەڭەس قورىتىندىسى بويىنشا دەنساۋلىق ساقتاۋ ءمينيسترى ا. ش. ءالنازاروۆا ناقتى تاپسىرمالار بەردى.
الەۋمەتتىك مەديتسينالىق ساقتاندىرۋ قورى ۇلىتاۋ وبلىسىنىڭ مەديتسينالىق-سانيتاريالىق العاشقى كومەك ۇيىمدارىنا كونسۋلتاتسيالىق-دياگنوستيكالىق قىزمەتتەردىڭ قولجەتىمدىلىگى مەن ونكوسكرينينگتەردىڭ تيىمدىلىگىن قوسا العاندا، مەديتسينالىق كومەك كورسەتۋدىڭ ستاندارتتارى مەن قاعيدالارىن ساقتاۋ تۇرعىسىنان جوسپاردان تىس مونيتورينگ جۇرگىزۋى قاجەت.
