«باۋىرساق كۇنىن» ەلىمىزدىڭ ايشىقتى مەرەكەلەر قاتارىنان كورگىڭىز كەلە مە؟ مۇنداي كۇندى ۇلتتىق مەرەكە كۇندەرىنەن تابىلۋى كەرەك دەپ ۇسىنىس جاساپ وتىرعان... الدەبىر شەنەۋنىك نە ءارتىس، تىپتەن باۋىرساقتىڭ ءوزى دە ەمەس... ءدال ءوزى – inDrive.كۋرەرى. InDrive كومپانياسى ۇلتتىق نىشانىمىزدى ايعاقتايتىن ۇسىنىس توڭىرەگىندە مادەنيەت جانە ەڭبەك مينيسترلىگىنە رەسمي سۇراۋ جىبەردى. بۇل تۋرالى Qumash تەلەگرام ارناسى جازدى, دەپ حابارلايدى «ادىرنا» ۇلتتىق پورتالى.
«باۋىرساق» كۇنىنىڭ ۇلتتىق مەرەكە قاتارىنا ءىلىنۋىن ءماجىلىس دەپۋتاتى جاناربەك ءاشىمجان دا قولداعان. «باۋىرساق – قازاق حالقىنىڭ ۇلتتىق جانە باستى تاعامدارىنىڭ ءبىرى جانە «يتالياندىقتار ماكارون ونىمدەرىن (يتالياندىقتاردا «پاستا كۇنى» مەرەكەسى بار), جاپوندىقتار – سۋشيمەن، وزبەكتەر – پالاۋدى قالاي ماقتان ەتسە، ءبىز دە باۋىرساقپەن ءوز ەلىمىزدىڭ باستى تاعام ءرامىزىن كورسەتۋىمىز كەرەك»، - دەيدى ارمان اۋباكىر.
مينيسترگە جولدانعان اشىق حاتتا InDrive كومپانياسى 2023 جىلدىڭ قىركۇيەگىندە الماتى كوشەلەرىندە «باۋىرساق ءتۇستى كۇز» اكتسياسىن وتكىزگەنىن جازعان. سونىمەن بىرگە مينيسترلىككە "باۋىرساق كۇنىن" رەسمي تۇردە بەكىتۋدى سۇراپ، اشىق حات جولداعان.
«ءىnDrive.كۋرەر كومپانياسى سىزدەن "باۋىرساق كۇنىن" رەسمي بەكىتۋدى سۇرايدى. يتاليادا – پاستا كۇنى، جاپونيادا – سۋشي كۇنى، اقش – تا حوت-دوگ كۇنى تويلانادى. اتالعان مەرەكەلەر وتە تانىمال، ءتىپتى حالىقارالىق مارتەبەگە يە. باۋىرساق كۇنىن تويلاۋ – قازاق حالقىنىڭ قوناقجايلىلىعىن، قازاق اسحاناسىنىڭ ۇلتتىق ءدامىن تانىتۋدىڭ، ناسيحاتتاۋدىڭ ەڭ جاقسى ءتاسىلى دەپ سانايمىز. باۋىرساق تۇركى حالىقتارىنا ءتان ءداستۇرلى ءونىم ەكەنى داۋسىز. دەگەنمەن، قازاقستان ەۋرازيا قۇرلىعىنىڭ ورتالىعىندا ورنالاسقان جانە كوپتەگەن مادەنيەتتەردى، ەتنوستار مەن حالىقتاردى بىرىكتىرەتىن مەملەكەت رەتىندە باستاما كوتەرىپ، بۇل ونىمگە ەرەكشە مارتەبە بەرگەن ءبىرىنشى ەل بولا الار ەدى. باۋىرساق كۇنىن بەكىتۋدىڭ قوسىمشا وڭ اسەرى رەتىندە جانە قازاقستاننىڭ مادەني قۇندىلىقتارىن ناسيحاتتاۋ ستراتەگياسىنا سايكەس، بۇل قادام ەلىمىزدىڭ تۋريستىك الەۋەتىن ارتتىرۋعا ىقپال ەتۋى مۇمكىن، بۇل قر پرەزيدەنتى قاسىم-جومارت توقاەۆتىڭ جولداۋىندا ايتىلعان ماڭىزدى مىندەتتەردىڭ ءبىرى بولىپ تابىلادى»، - دەپ جازىلعان.
«ادىرنا» ۇلتتىق پورتالى
