شىعىس قازاقستان وبلىسى التاي اۋدانىنداعى سولتۇستىك اۋىلىندا قايعىلى وقيعا ورىن الىپ، «قازسەرۆيس» جشس وبلىستىق فيليالىنىڭ جۇرگىزۋشىسى كوز جۇمدى، دەپ حابارلايدى "ادىرنا" ۇلتتىق پورتالى.
بۇل تۋرالى "قازاۆتوجول" كومپانياسىنىڭ ءباسپاسوز قىزمەتى حابارلادى.
وقيعا جولدى قاردان تازارتۋ جۇمىستارى اياقتالعاننان كەيىن بولعان. سالدارىنان تەحنيكانى تازالاۋ كەزىندە قىزمەتكەر اۋىر جاراقات الىپ، قايتىس بولعان.
قازا تاپقان ازامات 25 جىل بويى وسى سالادا ەڭبەك ەتكەن. قايعىلى وقيعا بولعان №30 جول پايدالانۋ ۋچاسكەسى وسكەمەن – التاي – راحمان قاينارى رەسپۋبليكالىق ماڭىزى بار اۆتوجولىنىڭ كۇردەلى بولىكتەرىنىڭ بىرىنە قىزمەت كورسەتەدى. بۇعان دەيىن قولايسىز اۋا رايىنا بايلانىستى بۇل باعىتتا قوزعالىس ۋاقىتشا شەكتەلىپ، كەيىن جاعداي تۇراقتانعان سوڭ قايتا اشىلعان.
اتالعان دەرەك بويىنشا قىزمەتتىك تەكسەرىس باستالدى. ارنايى كوميسسيا قۇرىلىپ، وقيعانىڭ سەبەپتەرى مەن ءمان-جايى جان-جاقتى زەرتتەلىپ جاتىر.
مارقۇمنىڭ وتباسىسىنا قاجەتتى كومەك كورسەتىلەتىنى ايتىلدى.
