قۇقىق قورعاۋشى ايتبەك امانگەلدى شەرزاتتىڭ اكەسىنىڭ بۇگىنگى ىسىنە پىكىر ءبىلدىردى. بۇل تۋرالى ول ءوزىنىڭ instagram پاراقشاسىندا ايتتى، دەپ حابارلايدى “ادىرنا” ۇلتتىق پورتالى.
ايتبەكتىڭ ايتۋىنشا قارجاۋباي نۇرىموۆقا باق وكىلدەرىمەن سويلەسۋگە ەشكىم تيىم سالعان جوق.
«قارجاۋدىڭ ءوز تالابىنا كەلسەك، وعان باق وكىلدەرىمەن سويلەسۋگە ەشكىم تىيىم سالعان جوق. ەگەر بۇل ونى سۇراسا مەن ونى ۇيىمداستىرىپ بەرەتىن ەدىم، مەن كەز كەلگەن باق وكىلدەرىمەن بايلانىستىراتىن ەدىم. بۇل ماسەلە ەمەس»، – دەدى ايتبەك.
قۇقىق قورعاۋشى دا ازىرگە نە بولىپ جاتقانىن تۇسىنە الار ەمەس، ول تەك قانا زاڭگەر مەن پسيحولوگتاردان اقپارات كۇتىپ وتقانىن مالىمدەدى.
«مەن نە بولىپ جاتقانىنىڭ سەبەپتەرى مەن سالدارىن ءالى تولىق تۇسىنە المايمىن. سەبەبى ونى انىقتاۋ كەرەك، مەن ءوزىم الماتىدا، ورتالىقتامىن. قازىر ول جەرگە جەتۋ ءۇشىن ماعان 2 ساعات كەتەدى، سوندىقتان مەن ازىرگە زاڭگەر مەن پسيحولوگتان اقپارات كۇتەمىن»، – دەدى قۇقىق قورعاۋشى.
وعان جۋرناليستەردىڭ حابارلاسىپ جاتقانىن دا ايتتى. الايدا ول ەشتەڭەگە جاۋاپ بەرە الماي، تەك ولاردى تالعاردىڭ وزىنە بارىپ، ءمان-جايدى ءبىلۋىن سۇرايدى.
