اقش-تىڭ تەننەسسي شتاتىنداعى اسكەري جارىلعىش زاتتار شىعاراتىن كاسىپورىندا بولعان جارىلىس سالدارىنان 16 ادامنىڭ قازا تاپتى. بۇل تۋرالى Associated Press جازدى، دەپ حابارلايدى “ادىرنا”.
جەرگىلىكتى بيلىك وكىلدەرىنىڭ ايتۋىنشا، قازا بولعانداردىڭ وتباسى مۇشەلەرىنە قايعىلى حابار بەرىلگەن.
قازىرگى تاڭدا تەرگەۋشىلەر عيماراتتىڭ ورتەنىپ كەتكەن ورنىن تەكسەرىپ، جارىلىستىڭ سەبەپتەرىن انىقتاپ جاتىر. ازىرگە جارىلىستىڭ ناقتى نەدەن بولعانى بەلگىسىز.
ەسكە سالايىق، Accurate Energetic Systems زاۋىتىندا جارىلىس 10 قازان كۇنى تاڭەرتەڭ بولعان. NBC News تەلەارناسىنىڭ حابارلاۋىنشا، سپۋتنيكتەن تۇسىرىلگەن سۋرەتتەردە جارىلىستان كەيىن عيماراتتان ەشتەڭە قالماعانى، تەك ۇيىندىلەر عانا شاشىلىپ جاتقانىن كورۋگە بولادى. حامفريس وكرۋگىنىڭ شەريفى كريس دەۆيستىڭ مالىمدەۋىنشە، وقيعا ورنىنان ءتىرى قالعاندار تابىلماعان، الايدا ناقتى قانشا ادامنىڭ مەرت بولعانىن ول سول كەزدە ناقتىلاماعان.
Accurate Energetic Systems كومپانياسى اسكەري، اەروعارىش، تاۋ-كەن ءوندىرىسى جانە عيماراتتاردى بۇزۋ سالالارىنا ارنالعان جارىلعىش زاتتار مەن ەنەرگەتيكالىق جابدىقتار وندىرۋمەن اينالىسادى.
