پوليتسيا ۆاشينگتونداعى نارازىلىقتار كەزىندە كەم دەگەندە 13 ادام ۇستالعانىن حابارلادى دەپ جازادى «ادىرنا» ۇلتتىق پورتالى ريا-نوۆوستي اگەنتتىگىنە سىلتەمە جاساپ.
ء"بىز 13 - تەن استام قاماۋعا الۋدىڭ كۋاسى بولدىق", - دەدى كولۋمبيا وكرۋگىنىڭ پوليتسيا باسشىسى روبەرت كونتي.
پوليتسيانىڭ مالىمەتىنشە، ۇستالعانداردىڭ بارلىعى ۆاشينگتونعا باسقا قالالاردان كەلگەن.
بۇعان دەيىن ۆاشينگتوندا اقش-تىڭ قازىرگى پرەزيدەنتى دونالد ترامپتى قولداۋ ءۇشىن جينالعان نارازىلىق بىلدىرۋشىلەر كونگرەسس عيماراتىنا كىرىپ، دجو بايدەننىڭ جەڭىسىن راستايتىن جينالىستى توقتاتتى.
سونىمەن قاتار، اقش كونگرەسىندە نارازىلىقتار كەزىندە جارالانعان ايەل قايتىس بولدى، دەپ حابارلايدى NBC News قۇقىق قورعاۋ ورگاندارىنداعى دەرەككوزدەرگە سىلتەمە جاساپ. بۇل اقپاراتتى پوليتسيا راستادى.
MSNBC تەلەارناسى ونى عيماراتتان جەدەل جاردەمگە قالاي الىپ كەتكەنىن كورسەتتى. بۇل جازبادا ايەلدىڭ موينى قانعا تولعانىن كورۋگە بولادى.
بۇعان دەيىن ۆاشينگتوندا اقش پرەزيدەنتى دونالد ترامپتى قولداۋ ءۇشىن جينالعان نارازىلىق بىلدىرۋشىلەر كونگرەسس عيماراتىنا كىرىپ، دجو بايدەننىڭ جەڭىسىن راستايتىن جينالىستى توقتاتقان بولاتىن. سوڭعى مالىمەتتەر بويىنشا، پوليتسيامەن قاقتىعىس سالدارىنان ءبىر ادام اۋىر جاعدايدا، كەم دەگەندە بەسەۋى جاراقات العان.
