تۇركىستان وبلىسىندا اكىمدىكتەر جالپى قۇنى شامامەن 2 ميلليارد تەڭگە بولاتىن مەملەكەتتىك جەرلەردى زاڭسىز ۇلەستىرگەنى انىقتالدى، دەپ حابارلايدى "ادىرنا" ۇلتتىق پورتالى.
بۇل تۋرالى وبلىستىق پروكۋراتۋرانىڭ وتىرىسىندا حابارلاندى.
قاداعالاۋ ورگانى سوڭعى ءۇش جىلدا (2023–2025 جىلدارى) جالپى اۋماعى 6 مىڭ گەكتاردان اساتىن 190 جەر ۋچاسكەسىنىڭ زاڭسىز بەرىلگەنىن مالىمدەدى. اكىمدەر كونكۋرس تالاپتارىن اينالىپ ءوتىپ، مەملەكەتتىك جەرلەردى باۋ-باقشا شارۋاشىلىعىنا، جەكە قوسالقى شارۋاشىلىققا جانە قوسىمشا تەلىم رەتىندە تاراتقان.
سونىمەن قاتار، 400 گەكتار جەردىڭ نىسانالى ماقساتى كاسىپكەرلىك قىزمەتكە زاڭسىز وزگەرتىلگەن، ال بۇل پروتسەستە ارحيتەكتۋرالىق جانە قالا قۇرىلىسى تالاپتارى ساقتالماعان.
وتىرىستا زاڭسىز قۇرىلىس، تۇرعىن ءۇي الۋ كەزەگى جانە جەردى ءتيىمدى پايدالانۋ ماسەلەلەرى دە تالقىلاندى. پروكۋراتۋرا جاۋاپتى تۇلعالاردى جازالاۋ قاجەتتىگىن اتاپ ءوتىپ، ءتيىستى مەملەكەتتىك ورگاندارعا حاتتامالىق تاپسىرمالار بەردى.
