Türkıstan oblysynda äkımdıkter jalpy qūny şamamen 2 milliard teŋge bolatyn memlekettık jerlerdı zaŋsyz ülestırgenı anyqtaldy, dep habarlaidy "Adyrna" ūlttyq portaly.
Būl turaly oblystyq prokuraturanyŋ otyrysynda habarlandy.
Qadaǧalau organy soŋǧy üş jylda (2023–2025 jyldary) jalpy aumaǧy 6 myŋ gektardan asatyn 190 jer uchaskesınıŋ zaŋsyz berılgenın mälımdedı. Äkımder konkurs talaptaryn ainalyp ötıp, memlekettık jerlerdı bau-baqşa şaruaşylyǧyna, jeke qosalqy şaruaşylyqqa jäne qosymşa telım retınde taratqan.
Sonymen qatar, 400 gektar jerdıŋ nysanaly maqsaty käsıpkerlık qyzmetke zaŋsyz özgertılgen, al būl proseste arhitekturalyq jäne qala qūrylysy talaptary saqtalmaǧan.
Otyrysta zaŋsyz qūrylys, tūrǧyn üi alu kezegı jäne jerdı tiımdı paidalanu mäselelerı de talqylandy. Prokuratura jauapty tūlǧalardy jazalau qajettıgın atap ötıp, tiıstı memlekettık organdarǧa hattamalyq tapsyrmalar berdı.
