بۇگىن ساتباەۆ قالاسى جاستار رەسۋرستىق ورتالىعىنىڭ ۇيىمداستىرۋىمەن ەلىمىزدە كەڭ كولەمدە جۇزەگە اسىرىلىپ جاتقان “تازا قازاقستان” ەكولوگيالىق اكتسياسى اياسىندا قالا تۇرعىندارىنا ارنالعان اقپاراتتىق-ءتۇسىندىرۋ جۇمىستارى وتكىزىلدى.
اكتسيانىڭ باستى ماقساتى – قوعامدا ەكولوگيالىق مادەنيەتتى قالىپتاستىرۋ، تۇرعىنداردىڭ تابيعاتقا دەگەن جاۋاپكەرشىلىگىن ارتتىرۋ جانە قورشاعان ورتانى قورعاۋ باعىتىندا بەلسەندى ازاماتتىق ۇستانىم قالىپتاستىرۋ بولدى.
ءىس-شارا بارىسىندا ورتالىقتىڭ بەلسەندى ۆولونتەر جاستارى قالا كوشەلەرىن ارالاپ، تۇرعىندارعا ەكولوگيالىق تازالىقتىڭ ماڭىزدىلىعى جونىندە تۇسىندىرمە جۇمىستارىن جۇرگىزدى. سونىمەن قاتار، قورشاعان ورتانى قورعاۋ باعىتىنداعى ارنايى دايىندالعان اقپاراتتىق بروشيۋرالاردى تاراتتى.
تۇرعىندارعا تاراتىلعان بروشيۋرالاردا:
• قورشاعان ورتانى لاستاماۋ،
• قالدىقتاردى سۇرىپتاپ تاستاۋ،
• تۇرمىستىق قوقىستى دۇرىس جويۋ،
• تابيعاتقا جاناشىرلىقپەن قاراۋ جونىندە ماڭىزدى كەڭەستەر مەن ۇسىنىستار قامتىلعان.
جاستاردىڭ باستاماسىمەن وتكەن بۇل شارا ەكولوگيالىق جاۋاپكەرشىلىكتى ارتتىرىپ قانا قويماي، قوعامدا “تازا قالا – تازا بولاشاق” قاعيداسىن ناسيحاتتاۋعا باعىتتالدى.
جاستار رەسۋرستىق ورتالىعى الداعى ۋاقىتتا دا ءوڭىردىڭ ەكولوگيالىق جاعدايىن جاقسارتۋعا باعىتتالعان جوبالاردى تۇراقتى تۇردە جۇزەگە اسىرۋدى جوسپارلاپ وتىر.
وسىنداي يگى ىستەر ارقىلى ءبىز بىرگە تازا ءارى جايلى بولاشاقتى قالىپتاستىرا الامىز!
ۇقساس جاڭالىقتار
