رەسپۋبليكالىق ەكولوگيالىق «تازا قازاقستان» ناۋقانى شەڭبەرىندە پاۆلودار جولشىلارى بىرنەشە نىساندى تازالاپ، اباتتاندىرۋ جۇمىستارىن جۇرگىزدى.
ەل بويىنشا وتكەن يگى باستاماعا «جول اكتيۆتەرى ساپاسىنىڭ ۇلتتىق ورتالىعى» پاۆلودار وبلىستىق فيليالىنىڭ قىزمەتكەرلەرى دە ءۇن قوسىپ، قالاداعى حالىق ءانشىسى، كومپوزيتور مايرا ۋاليقىزى شامسۋتدينوۆانىڭ ەسكەرتكىشى اينالاسىندا سەنبىلىك وتكىزدى.
سونىمەن قاتار، جول اكتيۆتەرى ۇلتتىق ساپا ورتالىعى پاۆلودار فيليال قىزمەتكەرلەرى كازاۆتوجول ماماندارىنمەن بىرلەسىپ رەسپۋبليكالىق ماڭىزى بار اۆتوجولداردا جۇرگىزۋشىلەرگە ەكوپاكەتتەر تاراتتى.
شارانىڭ نەگىزگى ماقساتى - جۇرگىزۋشىلەر مەن جولاۋشىلاردى تازالىقتى ساقتاۋعا جانە جولعا قوقىس تاستاماۋعا شاقىرۋ. تاراتىلعان ەكوپاكەتتەر قوقىستى جيناۋعا ارنالعان. ولاردى جول بويىنداعى ارنايى جابدىقتالعان جەرلەرگە تاستاۋعا بولادى.
جولشىلاردىڭ "تازا قازاقستان" اكتسياسىنا قاتىسۋى اۆتوموبيل جولدارى بويىنداعى ەكولوگيالىق جاعدايدى جاقسارتۋعا عانا ەمەس، سونىمەن قاتار جول قوزعالىسىنا قاتىسۋشىلار اراسىندا ەكولوگيالىق مادەنيەتتى قالىپتاستىرۋعا باعىتتالعان.
