2025 جىلعى نوبەلدىڭ بەيبىتشىلىك سىيلىعىن ۆەنەسۋەلا وپپوزيتسياسىنىڭ جەتەكشىسى ماريا كورينا ماچادو يەلەندى. اقش پرەزيدەنتى دونالد ترامپ بۇل سىيلىقتان ءۇمىتتى ەدى، دەپ حابارلايدى “ادىرنا”.
ماچادو سىيلىقتى ءوز ەلىندە دەموكراتيالىق قۇقىقتاردى قورعاۋ جانە ديكتاتۋرادان دەموكراتياعا بەيبىت جولمەن ءوتۋدى قامتاماسىز ەتۋ جولىنداعى قاجىرلى ەڭبەگى ءۇشىن الدى.
«ماريا كورينا ماچادو ۆەنەسۋەلا حالقىنىڭ دەموكراتيالىق قۇقىقتارىن قورعاۋدا تاباندىلىق تانىتىپ، ءادىل ءارى بەيبىت ساياسي وزگەرىستەر ءۇشىن كۇرەس جۇرگىزدى»، — دەلىنگەن نوبەل كوميتەتىنىڭ مالىمدەمەسىندە.
بۇل سىيلىق ماچادوعا جەلتوقسان ايىندا تابىس ەتىلمەك.
اقش پرەزيدەنتى دونالد ترامپ بۇعان دەيىن ءوزىن بۇل ماراپاتقا لايىقپىن دەپ سانايتىنىن ايتىپ، ء«ۇندىستان مەن پاكىستان اراسىنداعى قاقتىعىسپەن قوسا، جەتى سوعىستى توقتاتتىم» دەگەن ەدى.
Financial Times باسىلىمىنىڭ حابارلاۋىنشا، ەگەر نوبەل سىيلىعىن الا الماسا، اقش پرەزيدەنتى نورۆەگياعا قارسى كەدەندىك تاريف ەنگىزۋى مۇمكىن.
