"كولساي كولدەرى" مەملەكەتتىك ۇلتتىق تابيعي پاركىنىڭ قىزمەتكەرىنە رەسەيدەن ماراپات كەلدى. بۇل تۋرالى تابيعي پاركت الەۋمەتتىك جەلىدەگى پاراقشاسىندا جازدى، دەپ حابارلايدى "ادىرنا".
اقپاراتقا سايكەس، 2025 جىلعى 1 قازانداعى №364 بۇيرىققا سايكەس، رەسەي فەدەراتسياسىنىڭ ورمان شارۋاشىلىعى فەدەرالدىق اگەنتتىگى "كولساي كولدەرى" مۇتپ ديرەكتورىنىڭ ورىنباسارى حاميت اعابەكۇلىن «ورمان قورعاۋ قىزمەتىنە 85 جىل» ەستەلىك توسبەلگىسىمەن ماراپاتتادى.
ماراپات ورمان قورعاۋ قىزمەتىن دامىتۋعا قوسقان ۇلەسى، ادال ەڭبەگى جانە تابيعاتتى ساقتاۋ مەن قالپىنا كەلتىرۋ باعىتىنداعى جەتىستىكتەرى ءۇشىن تابىستالدى.
ايتا كەتەيىك، بۇعان دەيىن Telegram مەسسەندجەرىنىڭ نەگىزىن قالاۋشى پاۆەل دۋروۆ الماتى وبلىسىنداعى كولساي كولىندە شومىلعان ۆيدەوسىن جاريالاعان بولاتىن. بۇل ارەكەت الەۋمەتتىك جەلىلەردە سىنعا ۇشىرادى، ويتكەنى ۇلتتىق پارك ەرەجەلەرى بويىنشا كولدە شومىلۋعا تەك ارنايى بەلگىلەنگەن جەرلەردە عانا رۇقسات ەتىلگەن. زاڭدى بۇزعاندار ءۇشىن 39 مىڭ تەڭگە كولەمىندە ايىپپۇل قاراستىرىلعان.
كەيىن دۋروۆ ءوزىنىڭ Telegram-ارناسىندا جاڭا ۆيدەو جاريالاپ، سۋ تۇبىنەن تەمىر تاياق الىپ شىققان ءساتىن كورسەتتءى. ول بۇل ارەكەتىن كولدى قوقىستان تازالاۋ نيەتىمەن بايلانىستىردى.
«قازاقستانداعى تاۋلى كولدىڭ تۇبىنەن تەمىر تاۋىپ، الىپ تاستادىم»، – دەپ جازدى ول.
قىزىعى، بۇل جاعدايدان كەيىن دۋروۆتىڭ ءوزىن ايىپتاۋ نەمەسە ايىپپۇل سالۋ ورنىنا، ۇلتتىق پارك قىزمەتكەرلەرىنە قاتىستى قىزمەتتىك تەكسەرىس باستالدى. ولار شەتەلدىك قوناقتىڭ ەرەجە بۇزۋشىلىعىنا جول بەرگەنى ءۇشىن جاۋاپقا تارتىلۋى مۇمكىن.
